গুৱাহাটী,৮ ছেপ্টেম্বৰ : গুৱাহাটী মহানগৰীক চুলাই মদ মুক্ত কৰাৰ লক্ষ্যৰে আৱকাৰী বিভাগৰ কামৰূপ মহানগৰ জিলাৰ অন্তৰ্গত গুৱাহাটী সদৰৰ আটাইকেইটা আৱকাৰী চক্ৰ পৰিদৰ্শকৰ কাৰ্যালয়ে বিগত সময়চোৱাত অবৈধ সুৰাৰ বিৰুদ্ধে ধাৰাবাহিক অভিযান চলাই আহিছে । কামৰূপ মহানগৰ জিলাৰ আৱকাৰী অধীক্ষক মানৱী দাস আৰু উপ আৱকাৰী অধীক্ষক মৌচুমী কোঁৱৰৰ নিৰ্দেশত গুৱাহাটী সদৰৰ আটাইকেইটা আৱকাৰী চক্ৰই যৌথভাৱে এক অভিযান চলাই ৷
আৱকাৰী বিভাগৰ সূত্ৰই সদৰী কৰা অনুসৰি, কাহিলীপাৰাৰ চতুৰ্থ অসম আৰক্ষীৰ বেটেলিয়ান গেট, লখৰা, পাটৰকুছি, উলুবাৰী, কছাৰীবস্তি, ভঙাগড়, বিৰুবাৰী, দিছপুৰ, ফটাশিল আমবাৰী, ভূতনাথ, আঠগাঁও, উজান বজাৰ আদি অঞ্চলত চলোৱা হয় এই অভিযান ৷ অভিযানত ৭০০ লিটাৰৰো অধিক চুলাই মদ জব্দ কৰা হয় ৷
