গুৱাহাটী,22 ছেপ্তেম্বৰ: গুৱাহাটী মহানগৰীৰ কছাৰীবস্তিত পুনৰ পিঞ্জৰাবদ্ধ হৈছে এটা নাহৰফুটুকী ৷ সোমবাৰে নিশা কছাৰীবস্তিৰ গণেশ বড়ো নামৰ এগৰাকী ব্যক্তিৰ বাসগৃহত এজন যুৱকে প্ৰত্যক্ষ কৰিছিল নাহৰফুটুকীটো ৷ বাঘটো প্ৰত্যক্ষ কৰাৰ লগে লগে যুৱকগৰাকীয়ে খবৰ দিয়ে বন বিভাগৰ লোকক ৷ বন বিভাগৰ লোক ঘটনাস্থলীত উপস্থিত হৈ প্ৰায় 7 ঘণ্টা জোৰা চেষ্টাৰ অন্তত ট্ৰেংকুলাইজ কৰে নাহৰফুটুকীটো ৷ পৰৱৰ্তী সময়ত বিভাগৰ লোকে অসম ৰাজ্যিক চিৰিয়াখানালৈ স্থানান্তৰ কৰে নাহৰফুটুকীটো ৷ নাহৰফুটুকীটো লৈ যোৱাৰ পিছতহে আতংকিত অঞ্চলবাসীয়ে স্বস্তিৰ নিশ্বাস পেলায় ৷
লগতে চাওকঃ তিনিচুকীয়াত চাহ মজদুৰ সংঘৰ প্ৰতিবাদ
