গুৱাহাটী, 30 অক্টোবৰ : কৰ'ণা ত্ৰাসৰ মাজতে অনুষ্টুপীয়াকৈ শুকুৰবাৰে ৰাজ্যবাসীয়ে ক'ভিড প্ৰট'কল মানি প্ৰশাসনে বান্ধি দিয়া নীতি-নিয়ম পালন কৰি ৰাজ্যবাসীয়ে পালন কৰিলে লক্ষ্মী পূজা । ঐশ্বৰ্য, বিভূতি, সুখ শান্তিদায়িনী দেৱী বিষ্ণুপ্ৰিয়া কমলালৈ ভক্তি অৰ্ঘ নিবেদন কৰিছে ভক্তপ্ৰাণ ৰাইজে ।
ৰাজ্যৰ অন্য জিলাৰ লগতে মহানগৰীতো পালন কৰা হৈছে লক্ষ্মী পূজা ৷ মহানগৰবাসীয়ে ধানৰ থোক, কলগছ, কুঁহিয়াৰ, ৰবাব টেঙা আৰু বিভিন্ন ফল-মূলৰে অন্ন দাত্ৰী লক্ষ্মী দেৱীক পূজা-অৰ্চনা কৰিছে । কৰ'ণা ত্ৰাসৰ মাজতে দেৱীক পূজা-অৰ্চনা আগবঢ়াবৰ ভক্তৰ ভিৰ হোৱা পৰিলক্ষিত হৈছে ।
উল্লেখ্য যে, শুকুৰবাৰৰ সন্ধিয়া 5.12 বজাৰ পৰা শনিবাৰৰ সন্ধিয়া 7.20 বজালৈ অব্যাহত থাকিব পূৰ্ণিমা ।
লগতে পঢ়ক : অসম বিজেপিত সংখ্যালঘু সম্প্ৰদায়ৰ দুই নেতাৰ তীব্ৰ সংঘাত
