যোৰাবাট, 27 ডিচেম্বৰঃ বিগত কেইবাদিনো ধৰি ৰাজ্যত ভয়াৱহ ৰূপ লৈছে অবৈধ কয়লা সৰবৰাহে ৷ দৈনিক এটাৰ পিছত আনটো কয়লা সৰবৰাহৰ ঘটনা সংঘটিত হৈ আছে যদিও ইয়াৰ বিৰুদ্ধে সঠিক পদক্ষেপ লোৱাত ব্যৰ্থ আৰক্ষী প্ৰশাসন ৷ উল্লেখ্য যে, যোৱা বুধবাৰে যোৰাবাট আৰক্ষীয়ে আৰক্ষী চকীৰ সন্মুখত অভিযান চলাই AS01LG8260 নম্বৰৰ এখন অবৈধ কয়লা ভৰ্তি ট্ৰাক জব্দ কৰে ৷ ইয়াৰ পিছতেই বেলতলাত কয়লা মাফিয়াৰ মাজত হুৱা-দুৱা লাগে ৷ অবৈধ কয়লা সৰবৰাহৰ অপৰাধত যোৰাবাট আৰক্ষীয়ে হিমাংশু ডেকা নামৰ এজন লোকক গ্ৰেপ্তাৰ কৰে ৷ আনাহতে, হিমাংশু ডেকাই আন দুগৰাকী কয়লা মাফিয়া ভিমু আৰু ৰাজদীপৰ বিষয়ে বহু বিস্ফোৰক মন্তব্য কৰে ৷ ইতিমধ্যে, ট্ৰাকচালক বিপ্লৱ নাথ আৰু হিমাংশু ডেকাক আৰক্ষীয়ে সোধ পোছৰ বাবে নিজৰ জিম্মাত ৰাখিছে ৷
আনহাতে, যোৰাবাটত জব্দ কৰা 7খন চুপাৰী ভৰ্তি ট্ৰাকক লৈ মহানগৰ আৰক্ষীৰ ল’ৰা ধেমালি ৷ মিজোৰামৰ পৰা শিলচৰ হৈ মহাৰাষ্ট্ৰলৈ গৈ থকা অবৈধ চুপাৰী ভৰ্তি ট্ৰাককেইখন জব্দ কৰিছিল যোৰবাট আৰক্ষীয়ে ৷ কিন্তু ট্ৰাকৰ নথি পত্ৰ পৰ্যবেক্ষণৰ বাবে আটক কৰা ট্ৰাককেইখনক মুকলি কৰি দিয়ে যোৰাবাট আৰক্ষীয়ে ৷ পৰৱৰ্তী সময়য়ত বশিষ্ঠ আৰক্ষীৰ চকীৰ সহকাৰী আৰক্ষী আয়ুক্ত পুনম পেগু আৰু যোৰহাট আৰক্ষী চকীৰ ভাৰপ্ৰাপ্ত বিষয়া যুগানন্দ বৰায়ে বশিষ্ঠ চাৰিআলিত জব্দ কৰে ট্ৰাকসমূহ ৷
উল্লেখযোগ্য যে, মঙলবাৰে নিশা আৰক্ষীচকীৰ সন্মুখত 37 নং ৰাষ্ট্ৰীয় ঘাইপথত তালাচী অভিযানত RJ 14 GK 4948 ,RJ 14 GK 5222, RJ 14 GJ 3158 , RJ 14 GK 616120, RJ 14 GK 4958, RJ 14 GJ 3260 32 আৰুRJ 14 GK 8313 নম্বৰৰ ট্ৰাককেইখন জব্দ কৰিছিল ৷ ইতিমধ্যে আৰক্ষীয়ে ছাদ্দাম হুছেইন, অবিদ খান, ছবকত আলী, ৱাহিদ খান, উনিশ খান, জানু আৰু জুৰোল খানক সোধ পোচৰ বাবে যোৰাবাট আৰক্ষীয়ে আটক কৰিছে ৷
লগতে পঢ়ক- মৰিগাঁৱত আছুৰ CAA বিৰোধী প্ৰতিবাদৰ মাজতে বিজেপিৰ শান্তি সমদল
