গুৱাহাটী, 7 ছেপ্টেম্বৰঃ শুকুৰবাৰে নিশা জালুকবাৰীত আৰক্ষীয়ে অভিযান চলাই এখন গৰু ভৰ্তি ট্ৰাক জব্দ কৰে৷ ওদালগুৰিৰ পৰা মেঘালয়লৈ লৈ যোৱাৰ বাবে ট্ৰাক খনত অবৈধ ভাৱে কোনো নথি পত্ৰ নোহোৱাকৈ গৰু কঢ়িয়াই অনা হৈছিল৷
জালুকবাৰীত আৰক্ষীৰ অভিযানত জব্দ গৰুভৰ্তি ট্ৰাক
প্ৰতিদিনে মহানগৰীৰ মাজেৰে বহিঃৰাজ্যলৈ গৰু সৰবৰাহ কৰা হয়৷ তেনে সময়তে শুকুৰবাৰে নিশা জালুকবাৰীত আৰক্ষীয়ে এখন গৰু ভৰ্তি ট্ৰাক জব্দ কৰে৷ জব্দকৃত ট্ৰাকখনত 20 টা গৰু আছিল৷ ইফালে ঘটনা সন্দৰ্ভত জালুকবাৰী আৰক্ষীয়ে আনোৱাৰ হুছেইন নামৰ এজন লোকক আটক কৰিছে৷ সম্প্ৰতি আৰক্ষীয়ে ঘটনা সংক্ৰান্তত এক গোচৰ ৰুজু কৰি ঘটনাৰ তদন্ত প্ৰক্ৰিয়া আগবঢ়াইছে৷
