গুৱাহাটী,14 চেপ্তেম্বৰঃ অপৰাধীৰ ঘাটিলৈ পৰিণত হৈছে গুৱাহাটী মহানগৰী ৷ এইবাৰ ডকাইতৰ ৰূপত উবেৰ চালক । নিশা উবেৰ চালকে অকলশৰীয়া যাত্ৰীৰ পৰা কাঢ়ি নিলে ১১ হেজাৰ টকা আৰু মোবাইল ফোন । জালুকবাৰীৰ পৰা নলবাৰীলৈ যাবলৈ ৰৈ থকা ইক্ৰাম হুছেইন নামৰ এজন যুৱকৰ পৰা এখন উবেৰ গাড়ীৰ চালকে কাঢ়ি নিয়ে মোবাইল ফোনসহ নগদ ধন ৷ উবেৰ চালকজনৰ লগত আন দুই দুজন লোক আছিল বুলি উল্লেখ কৰে ভুক্তভোগী ইক্ৰাম হুছেইনে । জালুকবাৰী উৰণীয়া সেঁতুৰ ওপৰত সংঘটিত হয় এই ঘটনা ।
জালুকবাৰীত উবেৰ চালকে লুটিলে যাত্ৰীৰ ধন
উল্লেখ্য যে AS-25DC-2408 নম্বৰৰ বগা ৰঙৰ উবেৰ গাড়ীখনত আহিছিল দুৰ্বৃত্তৰ দলটো ৷ ইফালে ঘটনা সন্দৰ্ভত জালুকবাৰী আৰক্ষী চকীত এজাহাৰ দাখিল কৰিছে ভুক্তভোগী যুৱকজনে । সম্প্ৰতি জালুকবাৰী আৰক্ষীয়ে উক্ত এজাহাৰৰ ভিত্তিত এটা গোচৰ ৰুজু কৰি আগবঢ়াইছে ঘটনাৰ তদন্ত প্ৰক্ৰিয়া ৷
