গুৱাহাটী, 17 ছেপ্টেম্বৰ: গুৱাহাটী ভুৱা কল চেন্টাৰ চলাই প্ৰৱঞ্চনাৰে কোটি কোটি ধন লুট কৰা অন্যতম অভিযুক্ত দেৱজ্যোতি দে (32) ওৰফে ডেভিদ কোন ? ক’ত, কিয় বিখ্যাত দেৱজ্যোতি ওৰফে ডেভিদ ?
2009 চনত কৰিমগঞ্জৰ পৰা গুৱাহাটীলৈ আহিছিল ডেভিদ। গুৱাহাটীত প্ৰথমে এখন চেলুন খুলি জীৱিকা আৰম্ভ কৰিছিল ডেভিদে । পৰৱৰ্তী সময়ত গুৱাহাটীৰ পৰা কলিকতালৈ গৈ কাম কৰিছিল ডেভিডে । 2016 চনত পুনৰ গুৱাহাটীলৈ ঘূৰি আহি অবৈধ কাৰ্যকলাপৰ সৈতে জড়িত হৈ পৰে ।
2021 চনৰ পৰা সক্ৰিয়ভাৱে ভুৱা কল চেন্টাৰ খুলি প্ৰৱঞ্চনাৰে কোটি কোটি টকা মানুহৰ কষ্ট উপাৰ্জিত ধন ঘটি আহিছে ডেভিদে । বিলাসী জীৱন যাপন কৰা ডেভিডে বি এম ডাব্লিউ গাড়ী ব্যৱহাৰ কৰিছিল। ডেভিডৰ ডুবাইত শেহতীয়াকৈ এটা কাৰ্যালয় আৰু এটা এজেঞ্চি ক্ৰয় কৰাৰ লগতে ৰেছিডেনশ্বিপো গ্ৰহণ কৰিছিল । মুম্বাই, ডুবাইৰ দৰে অত্যাধুনিক চহৰত বিশাল সম্পত্তি গঢ়ি তুলিছিল ।
বিবাহৰ পূৰ্বে বন্ধু-বান্ধৱক থাইলেণ্ডত ব্যাচেলাৰ পাৰ্টি দিছিলে । ডেভিডৰ এনে লাইফষ্টাইল দেখি স্তম্ভিত হৈছিল সকলো । এটা কল চেন্টাৰৰ পৰা প্ৰৱঞ্চনাৰে মাহিলি কোটি কোটি টকা ঘটি বিলাসী জীৱন যাপন কৰি আহিছিল ।
উল্লেখ্য যে, বৃহস্পতিবাৰে নিশা মহানৰ আৰক্ষীয়ে 8 টা কল চেন্টাৰত অভিযান চলায় মূল অভিযুক্তসহ 191 জনক আটক কৰিছিল । 200 তকৈ অধিক আৰক্ষীয়ে 15 জনীয়া দল গঠন কৰি একে সময়তে মহানগৰীৰ 8 টাকৈ স্থানত অভিযান চলাই ভুৱা কল চেন্টাৰৰ লগত জড়িত থকা 191 জনকৈ লোক আটক কৰে । এই অভিযানত 164 টা ডেক্সটপ, 90 টা লেপটপ, 26 টা মেবাইল আৰু চাইবাৰ অপৰাধৰ লগত জড়িত আন সামগ্ৰী জব্দ কৰে ।
ঘটনা সন্দৰ্ভত, এটি গোচৰ ৰুজু কৰি ইতিমধ্যে আৰক্ষীয়ে 52 গৰাকীক গ্ৰেপ্তাৰ কৰিছে। ঘটনা সন্দৰ্ভত আৰক্ষীৰ তদন্ত অব্যাহত আছে । এই চক্ৰৰ লগত জড়িত থকা আৰু লোক অনাগত দিনত জালত পৰা সম্ভাৱনা আছে ।
