গুৱাহাটী, 14 জুলাইঃ ৰাজ্যত বানে লৈছে সংহাৰী ৰূপ । ৰাজ্যৰ 25 খনকৈ জিলা বানৰ কৱলত । দেওবাৰে মহানগৰীৰ আৱৰ্ত ভৱনত অসম চৰকাৰৰ দুৰ্যোগ ব্যৱস্থাপনা বিভাগৰ অতিৰিক্ত মুখ্য সচিব কুমাৰ সঞ্জয় কৃষ্ণায়ে এক সংবাদমেল সম্বোধন কৰি এই কথা সদৰী কৰে । আনহাতে, বৰ্তমান যোৰহাট, কামৰূপ, তেজপুৰ, গোৱালপাৰা, ধুবুৰী, গোলাঘাট, নগাঁও, কৰিমগঞ্জ, হাইলাকান্দি আদি জিলাৰ ব্ৰহ্মপুত্ৰৰ পানী বিপদসীমা অতিক্ৰম কৰিছে । বানাক্ৰান্তৰ সহায়ৰ বাবে বানপীড়িত অঞ্চললৈ SDRF-NDRF বাহিনী প্ৰেৰণ কৰাৰ কথা উল্লেখ কৰে অতিৰিক্ত মুখ্য সচিবগৰাকীয়ে । বন্যাৰ্তৰ সাহাৰ্যৰ বাবে 55.85 কোটি টকা মোকলাই দিয়াৰ কথা জানিবলৈ দিয়ে ।
