গুৱাহাটী, 19 ফেব্ৰুৱাৰীঃ মহানগৰীৰ পাণ্ডুত উদ্ধাৰ অৰ্ধ উলংগ মহিলাৰ মৃতদেহ উদ্ধাৰ ৷ পাণ্ডুৰ 5নং কলনীৰ ব্ৰহ্মপুত্ৰৰ পৰা উদ্ধাৰ মহিলাগৰাকীৰ মৃতদেহটো ৷ পানীত ওপঙি থকা অৱস্থাত মহিলাগৰাকীৰ মৃতদেহটো প্ৰত্যক্ষ কৰে স্থানীয় লোকে ৷ ঘটনাস্থলীত জালুকবাৰী আৰক্ষী আৰু নদী আৰক্ষী উপস্থিত হৈ উদ্ধাৰ কৰে মৃতদেহটো ৷ মহিলাগৰাকীক দুৰ্বৃত্তই ধৰ্ষণ কৰি হত্যা কৰাৰ সন্দেহ প্ৰকাশ কৰে স্থানীয় ৰাইজে ৷ বৰ্তমানলৈকে জানিব পৰা হোৱা নাই মহিলগৰাকীৰ পৰিচয় ৷ আৰক্ষীয়ে মহিলাগৰাকীৰ মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰিছে ৷ এই ঘটনাক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে সমগ্ৰ অঞ্চলজুৰি ৷
উলংগ মহিলাৰ মৃতদেহ উদ্ধাৰক লৈ পাণ্ডুত চাঞ্চল্য
