গুৱাহাটী, ১৬ মে': সম্প্ৰতি সমগ্ৰ দেশ আগবাঢ়িছে চতুৰ্থ পৰ্যায়ৰ লক ডাউনৰ দিশে । এই লক ডাউনৰ সময়ছোৱাত অসমৰ প্ৰতিটো খণ্ডই কম-বেছি পৰিমানে ক্ষতিৰ সন্মুখীন হ’বলগীয়া হৈছে । সৰ্বস্তৰৰ অৰ্থনীতি প্ৰায় বিধ্বস্ত হৈ পৰিছে । উল্লেখ্য যে, দেশৰ জি ডি পিত ৬-৭ শতাংশ অৱদান আগবঢ়াই আহিছে ৰিয়েল ষ্টেট বা আৱাসগৃহ নিৰ্মাণ খণ্ডটোৱে ।
কিন্তু এই দীঘলীয়া লক ডাউনৰ বাবে অসমৰ ৰিয়েল ইষ্টেট ব্যৱসায়ী প্ৰতিষ্ঠানটোৱে এক দুৰ্যোগৰ মুখামুখি হ’বলগীয়া হৈছে বুলি আগশাৰীৰ নিৰ্মাণ প্ৰতিষ্ঠান প্ৰটেক গ্ৰুপৰ পৰিচালন সঞ্চালক মনোজ কুমাৰ জালানে জানিবলৈ দিয়ে । দীঘলীয়া লক ডাউনে ৰাজ্যৰ নিৰ্মাণ খণ্ডত ইতিমধ্যে কেইবাহাজাৰ কোটি টকাৰ লোকচান কৰিছে ৷ তেওঁ কয় যে, এই খণ্ডটোৰ সৈতে জড়িত শ্ৰমিকসকল মূলতঃ ধুবুৰী আৰু মৰিগাঁও জিলাৰ । দুয়োখন জিলাই অৰেঞ্জ জ'নৰ অন্তৰ্গত হোৱা হেতুকে শ্ৰমিকসকল কামলৈ ওলাই আহিব পৰা নাই । ইয়াৰোপৰি অসমলৈ নিৰ্মাণ খণ্ডৰ বাবে শিল আমদানি কৰা হয় মূলতঃ মেঘালয়ৰ পৰা । কিন্তু সেই প্ৰক্ৰিয়াও লক ডাউনৰ বাবে স্থবিৰ হৈ আছে বুলি পৰিচালন সঞ্চালকগৰাকীয়ে সদৰী কৰে এই কথা ।
লগতে পঢ়ক : কেৰালাত আৱদ্ধ অসমৰ যুৱকৰ দলৰ অসম চৰকাৰলৈ কাতৰ অনুৰোধ
