গুৱাহাটী বিশ্ববিদ্যালয়ত জননেতা ভীমবৰ দেউৰীক স্মৰণ

সমগ্ৰ অসমৰ লগতে মহানগৰীৰ গুৱাহাটী বিশ্ববিদ্যালয়ত হেৰিটেজ ফাউণ্ডেশ্বনৰ উদ্যোগত অনুষ্ঠিত কৰা হয় জননেতা ভীমবৰ দেউৰীৰ মৃত্যু দিৱস ৷ জননেতাগৰাকীৰ নামেৰে এখন বিশ্ববিদ্যালয় নিৰ্মাণ কৰাৰ বাবে এই অনুষ্ঠানৰ জৰিয়তে চৰকাৰক আহ্বান জনাই ভীমবৰ দেউৰীৰ পৰিয়াবৰ্গই ৷

গুৱাহাটী 1 ডিচেম্বৰঃ জননেতা ভীমবৰ দেউৰীৰ মৃত্যু দিৱস সমগ্ৰ অসমৰ লগতে গুৱাহাটী বিশ্ববিদ্যালয়তো হেৰিটেজ ফাউণ্ডেশ্বনৰ উদ্যোগত অনুষ্ঠিত কৰা হয় ৷ জননেতাগৰাকীৰ জীৱন প্ৰণালী আৰু সমাজৰ প্ৰতি কৰি যোৱা সেৱা নৱপ্ৰজন্মৰ মাজত জীয়াই ৰখাৰ উদ্দেশ্যে আয়োজন কৰা হয় এই অনুষ্ঠানৰ ৷ উক্ত অনুষ্ঠানতে জননেতা ভীমবৰ দেউৰীৰ জীৱনৰ ওপৰত বক্তৃতা প্ৰদান কৰে কেইবাগৰাকীও বিশিষ্ট ব্যক্তিয়ে ৷

উক্ত অনুষ্ঠানত উপস্থিত থাকে গুৱাহাটী বিশ্ববিদ্যালয়ৰ উপাচাৰ্য ডঃ প্ৰতাপ জ্যোতি সন্দিকৈ, অধ্যাপক ননীগোপাল মহন্ত, অনিল ভৰালী দেউৰীকে প্ৰমুখ্য কৰি কেইগৰাকীও বিশিষ্ট ব্যক্তি ৷ জননেতাগৰাকীৰ নামেৰে এখন বিশ্ববিদ্যালয় নিৰ্মাণ কৰাৰ বাবে এই অনুষ্ঠানৰ জৰিয়তে চৰকাৰক আহ্বান জনাই ভীমবৰ দেউৰীৰ পৰিয়াবৰ্গই ৷

আৰু পঢ়ক- ৰাইজক মাধমাৰ শোধাই পিঁয়াজৰ মূল্য প্ৰতিকিলোত 90 টকালৈ বৃদ্ধি