ছাৰ্জিল ইমামক অনাৰ বাবে দিল্লীত বাহৰ পাতি আছে অসম আৰক্ষীৰ দল

ফিল্মফেয়াৰ এৱাৰ্ডৰ বাবে অসম আৰক্ষীৰ তৰফৰ পৰা সকলো ধৰণৰ সুৰক্ষা ব্যৱস্থা সম্পূৰ্ণ কৰি তোলা হৈছে ৷ তৰকাসকল থকা হোটেল,অহা যোৱা পথ আৰু গুৱাহাটী বিমানবন্দৰত বিশেষ সুৰক্ষা বেষ্টনী গঢ়ি তোলা হৈছে ৷ শনিবাৰে বিয়লি ৩ বাজাৰ পৰা দেওবাৰে পুৱা ৪ বজালৈ মহানগৰীত কোনো ধৰণৰ যান-বাহনক প্ৰৱেশ কৰিবলৈ দিয়া নহ’ব ৷ মেঘালয় পৰা অহা গধুৰ যান-বাহনক যোৰাবাটতে ৰখোৱাৰ ব্যৱস্থা কৰা হ’ব ৷

গুৱাহাটী, 14 ফেব্ৰুৱাৰীঃ ফিল্মফেয়াৰ অনুষ্ঠানৰ সময়ত যান-বাহনৰ নীতি নিৰ্দেশনা সন্দৰ্ভত অসম আৰক্ষীৰ সংবাদমেল ৷ গুৱাহাটী আৰক্ষী আয়ুক্ত মুন্না প্ৰসাদ গুপ্তা আৰু গুৱাহাটী যান-বাহন উপ আৰক্ষী আয়ুক্ত ৰঞ্জন ভূঞাই শুকুৰবাবে এই সংবাদমেলখন অনুষ্ঠিত কৰে ৷ গুৱাহাটী আৰক্ষী আয়ুক্ত মুন্না প্ৰসাদ গুপ্তাই জনায় যে, ফিল্মফেয়াৰ এৱাৰ্ডৰ বাবে অসম আৰক্ষীৰ তৰফৰ পৰা সকলো ধৰণৰ সুৰক্ষা ব্যৱস্থা সম্পূৰ্ণ কৰি তোলা হৈছে ৷ তৰকাসকল থকা হোটেল,অহা যোৱা কৰা পথ আৰু গুৱাহাটী বিমানবন্দৰত বিশেষ সুৰক্ষা বেষ্টনী গঢ়ি তোলা হৈছে ৷ গুৱাহাটী যান-বাহন উপ আৰক্ষী আয়ুক্ত ৰঞ্জন ভূঞাই কয় যে,পাৰ্কিং পাছ থকা যান-বাহনসমূহ ষ্টেডিয়ামৰ ভিতৰত থকা পাৰ্কিংত ৰখাব পাৰিব ৷ আনহাতে,পাৰ্কিং পাছ নথকা যান-বাহন সমূহৰ বাবে ইতিমধ্যে নালাপৰা বেহাৰবাৰী অঞ্চলত ২৭ টাকৈ বিনামূলীয়া পাৰ্কিংৰ ব্যৱস্থা কৰা হৈছে ৷ শনিবাৰে বিয়লি ৩ বাজাৰ পৰা দেওবাৰে পুৱা ৪ বাজালৈ মহানগৰীত কোনো ধৰণৰ যান-বাহনক প্ৰৱেশ কৰিবলৈ দিয়া নহ’ব ৷ এই সম্পৰ্কে কামৰূপৰ,গোৱালপাৰা, মৰিগাঁও আৰু নগাঁও জিলা প্ৰশাসনৰ সৈতে যোগযোগ কৰা হৈছে ৷ মেঘালয়ৰ পৰা অহা গধুৰ যান-বাহনক যোৰাবাটতে ৰখোৱাৰ ব্যৱস্থা কৰা হ’ব ৷

ইফালে ছাৰ্জিল ইমামক অসমলৈ অনাৰ প্ৰসংগত গুৱাহাটী আৰক্ষী আয়ুক্ত মুন্না প্ৰসাদ গুপ্তায়ই কয় যে, ছাৰ্জিল ইমামক নিজৰ জিম্মাত লৈ অসমলৈ অনাৰ বাবে অসম আৰক্ষীৰ এটা দলে দিল্লীত বাহৰ পাতি আছে ৷ তিহাৰ কাৰাগাৰ আৰু দিল্লীৰ স্থানীয় আদালতৰ কাম সম্পূৰ্ণ হোৱাৰ পিছতহে ছাৰ্জিল ইমামক অসমলৈ আনিব পৰা যাব ৷ এই সন্দৰ্ভত তিহাৰ কাৰাগাৰ কতৃপক্ষ আৰু দিল্লী আৰক্ষীৰ সৈতে যোগাযোগ অব্যাহত ৰখা বুলি ব্যক্ত কৰে আৰক্ষী আয়ুক্তগৰাকীয়ে ৷

লগতে পঢ়ক-অসমত স্থাপন হ’ব ক্ষুদ্ৰ খাদ্য প্ৰস্তুতকৰণ উদ্যোগ : ৰামেশ্বৰ তেলী