গুৱাহাটী,২৩ ছেপ্টেম্বৰ : ক'ভিড পৰিস্থিতিৰ বাবে অসমৰ ৪৮ টা যাত্ৰাদলৰ দুই সহস্ৰাধিক লোকৰ বৰ্তমান পানীত হাঁহ নচৰাৰ অৱস্থা সৃষ্টি হৈছে । চৰকাৰে শেহতীয়াকৈ শাৰদীয় দুৰ্গোৎসৱৰ বাবে অনুমতি প্ৰদান কৰিছে যদিও সাংস্কৃতিক অনুষ্ঠানৰ ক্ষেত্রত বাধা প্ৰদান কৰাত যাত্রাদলৰ লোকসকল নিৰাশ হ'বলগীয়া হৈছে ।
এনে পৰিস্থিতি নতুন এছ অ' পি জাৰি কৰি দুৰ্গাপূজাত সাংস্কৃতিক অনুষ্ঠানৰ বাবে অনুমতি প্ৰদান কৰিবলৈ চৰকাৰৰ প্ৰতি দাবী জনাইছে সদৌ অসম যাত্ৰাদল প্ৰয়োজক সন্থাই । বৃহস্পতিবাৰে গুৱাহাটী প্ৰেছ ক্লাৱত আয়োজন কৰা এখন সংবাদমেলত সদৌ অসম যাত্ৰাদল প্ৰয়োজক সন্থাই এই দাবী উত্থাপন কৰে । সন্থাই যাত্রাদলৰ প্ৰয়োজকসকলক পাঁচ লাখ টকাৰ আৰ্থিক অনুদান দিয়াৰ লগতে যাত্ৰাদলৰ শিল্পী সকলৰ বাবে শিল্পী পেঞ্চনৰ ব্যৱস্থা কৰাৰ বাবে চৰকাৰৰ ওচৰত দাবী জনায় ।
লগতে পঢ়ক: কংগ্ৰেছৰ ২১২ জনৰ বিৰুদ্ধে দলবিৰোধী কাৰ্যকলাপত লিপ্ত থকাৰ অভিযোগ
সংবাদমেলত সন্থাৰ সভাপতি নৱ শৰ্মাই কয়, অসমৰ নাট্য সংস্কৃতিৰ মুল ভেঁটি যাত্রাদল হৈছে অসমৰ ভ্রাম্যমান থিয়েটাৰৰ মূল কঠিয়াতলি । নাট্য সংস্কৃতিৰ মূল বাহক যাত্রাদলে এক সুকীয়া প্রসাৰতা লাভ কৰিবলৈ সক্ষম হৈছে । অসমৰ এই যাত্রা দল সমূহ একো একোটা ক্ষুদ্র উদ্যোগত পৰিণত হৈছে । যাত্রাদলৰ প্রযােজক সকলৰ বাবেই বহু অভিনেতা-অভিনেত্রীৰ সৃষ্টি হােৱাৰ লগতে বহু নাট্যকাৰৰ জন্ম হৈছে ।
বিশেষকৈ নামনি অসমত যাত্রাদলে নাটকক অনন্য মাত্রা প্রদান কৰি সমাজত এক বিশেষ বার্তা বহন কৰি আহিছে । একোটা যাত্রাদলত অতি কমেও ৩০ গৰাকী অভিনেতা-অভিনেত্রীৰ লগতে কলা কুশলী জড়িত হৈ থাকে । বিশেষকৈ নামনি অসমৰ পূজা, সভা বা জন্মজয়ন্তী আদিৰ এক এৰাব নােৱাৰা অংগ হৈছে যাত্রাদলসমূহ ।
লগতে পঢ়ক: গৰুখুটিৰ উচ্ছেদ অভিযানত উত্তেজনা; আৰক্ষীৰ গুলীত নিহত দুজন
সংবাদমেলত সন্থাৰ কাৰ্যকৰী সভাপতি গকুল মহন্তই কয়, ৰাজ্যৰ ৪৮ টা যাত্রাদলত অভিনেতা-অভিনেত্রী তথা কলা-কুশলীকে ধৰি দুই সহস্ৰাধিক লোক জড়িত হৈ আছে । কিন্তু ক'ভিড মহামাৰীৰ বাবে বিগত বৰ্ষৰ পৰা এই যাত্রাদলসমূহে অভাৱনীয় সংকটৰ সন্মুখিন হৈ আহিছে । ব্যাপক ক্ষতিৰ সন্মুখীন হৈছে যাত্রাদলৰ প্রযােজক সকল ।
যাত্রাদলৰ প্রযােজক সকল ৰজাঘৰীয়াৰ পৰাও উপেক্ষিত হৈ আছে । এইবাৰ পৰিৱেশ কিছু উন্নত হােৱাত আৰু ভ্রাম্যমান নাট্যদলসমূহক চৰকাৰে আখৰা কৰাৰ বাবে ক'ভিড বিধিৰ মাজতেই অনুমতি দিয়াত অসমৰ যাত্রাদলসমূহে নতুন উদ্যমেৰে নাট পৰিবেশন কৰিবলৈ সাজু হৈছিল । কিন্তু পূজাত সাংস্কৃতিক অনুষ্ঠান নহ'ব বুলি চৰকাৰে ঘোষণা কৰাৰ লগে লগে যাত্রাদলসমূহৰ আশাত চেঁচাপানী পৰিল ।
লগতে পঢ়ক: বিজেপিৰ কাৰ্যনিৰ্বাহক সভা : কেইবাটাও ৰাজনৈতিক প্ৰস্তাৱ গ্ৰহণ
এতিয়া পুনৰ আন এক বিপর্যয়ৰ সম্মুখীন হ'বলগীয়া হ'ল যাত্রাদলৰ প্ৰয়োজকসকল । ইতিমধ্যে চৰকাৰী ঘোষণাৰ পাছতেই বহুকেইখন দুর্গা পূজাৰ আহায়ক সমিতিয়ে যাত্রাদলৰ সৈতে হোৱা চুক্তি বাতিল কৰিছে । এনে পৰিস্থিতি নাটক কৰিব নোৱাৰিলে আমাৰ প্রযােজক, শিল্পী, কলা-কুশলী সকলে নাখাই মৰিব লগীয়া হ'ব ।
মহন্তই লগতে কয়, যাত্রাদলে ক'ভিড প্ৰটক'ল মানি চলি নাটক কৰিব পাৰে । কাৰণ এখন মঞ্চত নাট পৰিবেশন কৰাৰ সময়ত একোটা দলৰ পাঁচ বা ছয় জন শিল্পীহে মঞ্চত থাকে । যাত্রাদলৰ দর্শকৰ সংখ্যা নিচেই তাকৰ । গতিকে ক'ভিড প্রট'কল সুন্দৰকৈ মানি চলিব পাৰি । আমি চৰকাৰক ক'ভিড বিধি অনুসৰিয়েই যাত্রাদল সমূহক নাট পৰিবেশন কৰিবৰ বাবে অনুমতি প্ৰদানৰ বাবে আহ্বান জনালো ।
লগতে পঢ়ক: লখিমপুৰত মুণ্ডন কৰি বৃহৎ নদীবান্ধৰ বিৰুদ্ধে প্ৰতিবাদ অসমীয়া যুৱ মঞ্চৰ
আনহাতে বিগত দুটা বছৰে যাত্রাদলৰ প্রযােজকসকলে সন্মুখীন হোৱা বৃহৎ ক্ষতিৰ প্ৰতি লক্ষ্য ৰাখি ৫ লাখ টকাকৈ আৰ্থিক সাহায্য প্ৰদানৰ বাবে চৰকাৰৰ ওচৰত দাবী জনাই । তদুপৰি চৰকাৰে যাত্রাদলৰ অভিনেতা-অভিনেত্রী, শিল্পী, কলা-কুশলীক এককালীন আর্থিক সাহায্য প্ৰদানৰ ব্যৱস্থা, সদৌ অসম যাত্রাদল প্রযােজক সন্থাৰ তৰফৰ পৰা অসম চৰকাৰক যাত্রাদলৰ অভিনেতা-অভিনেত্রীৰ লগতে শিল্পী-কলা-কুশলীক শিল্পী পেন্সন দিয়াৰ ব্যৱস্থা কৰিবলৈ আহ্বান জনাই গকুল মহন্তই ৷
লগতে পঢ়ক: চলে-বলে বনকৰা কিশোৰীক পাঁচমহীয়া অন্তঃসত্বা কৰিলে বৃদ্ধই
