খানাপাৰাত একেলগে দুৰ্ঘটনাগ্ৰস্ত তিনিখন বাহন

খানাপাৰাৰ ৩৭ নং ৰাষ্ট্ৰীয় ঘাইপথত দুৰ্ঘটনাতপতিত হয় গুৱাহাটী অভিমুখে আহি থকা গেছ টেংকাৰ , ট্ৰাক আৰু চিটী বাছ । পথ দুৰ্ঘটনাটোৰ ফলত খানাপাৰাত তীব্ৰ যান-জঁটৰ সৃষ্টি ।

গুৱাহাটী,২১ মে' : মঙলবাৰে পুৱাই খানাপাৰাত হোৱা এক পথ দুৰ্ঘটনাৰ ফলত তীব্ৰ যান-জঁটৰ সৃষ্টি হয় । ইয়াৰ ফলত ৩৭ নং ৰাষ্ট্ৰীয় ঘাইপথৰ যোৰাবাটৰ পৰা গুৱাহাটী অভিমুখে অহা পথটো সম্পূৰ্ণৰূপে বন্ধ হৈ পৰে । খানাপাৰাৰ ৩৭ নং ৰাষ্ট্ৰীয় ঘাইপথত একে দিশে আহি থকা গেছ টেংকাৰ AS 01 DC 2198, ট্ৰাক AS 01 JC 0284 আৰু চিটী বাছ AS 25 DC 7704 দুৰ্ঘটনাতপতিত হয় । এখন গেছ টেংকাৰ আৰু চিটী বাছৰ মাজত তীব্ৰ বেগেৰে অহা এখন ট্ৰাকে খুন্দিয়াই যাৰ ফলত এই দুৰ্ঘটনাটো সংঘটিত হয়।

পিছত দুৰ্ঘটনা সংঘটিত কৰা ট্ৰাক ছালকক আটক কৰে খানাপাৰা যানবাহন আৰক্ষীয়ে । ক্ৰেনৰ জৰিয়তে আৰক্ষীয়ে তিনিখন বাহনক ৰাষ্ট্ৰীয় ঘাইপথৰ পৰা আঁতৰাই যানবাহন চলাচলৰ বাবে পথটো মুকলি কৰে ।