তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

নলবাৰীত পুনৰ অসম আৰক্ষীৰ উপ পৰিদৰ্শকৰ পৰীক্ষা কেলেংকাৰী কাণ্ডৰ লগত জড়িত এজনক আটক ৷ হাজো-নলবাৰী পথস্থিত লতা ফাৰ্মাচীৰ স্বত্বাধিকাৰী প্ৰণৱ শৰ্মা ওৰফে বুলবুলক আটক কৰিছে নলবাৰী আৰক্ষীয়ে ৷

স্বাস্থ্য়মন্ত্ৰীলৈ আহ্বান এটা পৰিয়ালৰ ৷ অৰ্থৰ অভাৱত পুত্ৰৰ চিকিৎসা কৰিব নোৱাৰি অসহায় হৈ পৰা পিতৃ-মাতৃৰ কাতৰ অনুৰোধ স্বাস্থ্যমন্ত্ৰীলৈ ৷

সদৌ অসম ছাত্ৰ সন্থা আৰু 30 জনগোষ্ঠীয় সংগঠনৰ আহ্বান মৰ্মে ৰূপায়ণ কৰা এই প্ৰতিবাদী কাৰ্যসূচীত ছাত্ৰ সংগঠনটোৰ লগতে আন 30 টা জনগোষ্ঠীয় সংগঠনৰ প্ৰায় তিনি শতাধিক কৰ্মীয়ে অংশ গ্ৰহণ কৰে ৷

গৃহ সমষ্টিত ৰাইজৰ প্ৰতিবাদৰ সন্মুখীন দক্ষিণ কৰিমগঞ্জৰ বিধায়ক আজিজ আহমেদ খান ৷ জৰাজীৰ্ণ পথ নিৰ্মাণৰ দাবীত বিধায়ক গৰাকী সন্মুখীন হ'ব লগা হ'ল ৰাইজৰ তীব্ৰ প্ৰতিবাদৰ ৷ বিধায়ক হিচাপে কাৰ্যকাল প্ৰায় শেষ হোৱাৰ পাছতো ঘৰৰ কাষতে থকা পথটো নিৰ্মাণৰ বাবে কোনো ব্যৱস্থা গ্ৰহন নকৰাত ক্ষুব্ধ স্থানীয় ৰাইজ ৷

ট্ৰাকৰ পৰা মিঠাতেল চুৰি হোৱা ঘটনাৰ গোচৰৰ ভিত্তিত আৰক্ষীয়ে আটক কৰিছে দুই অভিযুক্তক ৷

গোলাঘাটত আটছাৰ প্ৰতিবাদ ৷ ন্যাৰ্য প্ৰাপ্তিৰ দাবীত আটছাই সাব্যস্ত কৰিলে প্ৰতিবাদ ৷ সমস্যা সমাধান নকৰিলে জংগী আন্দোলনৰ হুংকাৰ দিয়ে সংগঠনটোৱে ৷

উত্তৰ প্ৰদেশত সংঘটিত নাৰী নিৰ্যাতনৰ ঘটনাই দেশৰ সংবাদ শীৰ্ষ দখল কৰি থকাৰ সময়তে উদ্ভাৱনী শক্তিৰে অভিনৱ প্ৰয়াস কৰিছে কাণপুৰৰ পূজা পেটেলে । নাৰীৰ সুৰক্ষাৰ ক্ষেত্ৰত সহায়ক হোৱাকৈ দ্বাদশ শ্ৰেণীৰ ছাত্ৰী পূজাই 'KEY CHAIN' উদ্ভাৱন কৰি উলিয়াইছে । অপৰাধীক বাধা দিয়াৰ বাবে মহিলাসকলৰ ব্যৱহাৰোপযোগী এই বিশেষ 'কী চেইন'ত সংলগ্ন কৰা হৈছে ৪৪০ ভল্টৰ বিদ্যুৎ ।

বঙাইগাঁৱত গৰীয়া মৰীয়া দেশী জাতীয় পৰিষদৰ ড্ৰাগছ আৰু ধপাত বিৰোধী অভিযান ৷ সদৌ অসম গৰীয়া মৰীয়া দেশী জাতীয় পৰিষদৰ জিলা সমিতি আৰু জিলা সদৰ আঞ্চলিক সমিতিৰ যুটীয়া উদ্যোগত ড্ৰাগছ আৰু ধপাত জাতীয় সামগ্ৰীক লৈ সজাগতা ৷

আগ্ৰাসনৰ ঘটনাৰ বুজ লবলৈ বকো ৰাজহ চক্ৰৰ অন্তৰ্গত লাম্পীত উপস্থিত হয় কামৰূপ গ্ৰাম্য জিলাৰ নৱনিযুক্ত উপায়ুক্ত কৈলাশ কাৰ্তিক ৷ উপস্থিত হৈয়ে উপায়ুক্ত গৰাকীয়ে মেঘালয় ৰাজ্যই অগ্ৰাসন কৰা প্ৰায় 8 কিলোমিটাৰ অঞ্চল পৰিদৰ্শন কৰে ৷

চিৰাঙত নিৰ্বাচনী সভাত অংশ ইউপিপিএল দলৰ সভাপতি প্ৰমোদ বড়োৰ ৷ সভাত কঠোৰ ভাষাৰে সমালোচনা হাগ্ৰামা মহিলাৰীক ৷