গুৱাহাটী, 26 অক্টোবৰ: 26 বছৰ সম্পূৰ্ণ মহানগৰীৰ লংকেশ্বৰত অৱস্থিতিত অসম শিক্ষক প্ৰশিক্ষণ মহাবিদ্যালয় ৷ শনিবাৰে মহাবিদ্যালয়খনত অনুষ্ঠিত কৰা হয় নৱাগত আদৰণি সভা । গীতে মাতে জীপাল হৈ পৰে মহাবিদ্যালয়ৰ বাকৰি । এই সভাৰ লগত সংগতি ৰাখি মহাবিদ্যালয়খনৰ নৱ নিৰ্মিত প্ৰেক্ষাগৃহ মুকলি কৰা হয় । প্ৰেক্ষাগৃহটো আনুষ্ঠানিকভাৱে মুকলি কৰে গুৱাহাটী লোকসভা সমষ্টিৰ সাংসদ কুইন ওজাই ।
তাৰোপৰি মহাবিদ্যালয়ৰ বাৰ্ষিক আলোচনী 'শিক্ষাবন্তি' উন্মোচন কৰা হয় এই অনুষ্ঠানত । এই অনুষ্ঠানত গুৱাহাটী বিশ্ববিদ্যালয়ৰ ৰেক্টৰ হৰি প্ৰসাদ শৰ্মা, অসম শিক্ষক প্ৰশিক্ষণ মহাবিদ্যালয়ৰ অঞ্জলি কৰ্মকাৰকে প্ৰমুখ্য কৰি ভালেমান বিশিষ্ট ব্যক্তি উপস্থিত থাকে ৷ সাধাৰণ ৰাইজৰ দান বৰঙণিৰে পৰিচালিত হোৱা গুৱাহাটীৰ এখন অন্যতম মহাবিদ্যালয় হৈছে এই মহাবিদ্যালয়খন ।
ইপিনে সাংবাদিকৰ সৈতে মত বিনিময় কৰি কুইন ওজাই বিজেপিৰ জনপ্ৰিয়তাৰ আঁৰৰ কথা প্ৰকাশ কৰে । বিজেপিয়ে প্ৰতিজন মানুহক স্পৰ্শ কৰিছে। জনসম্পৰ্কৰ ক্ষেত্ৰত বিজেপিয়ে লৈছে এটা উল্লেখনীয় পদক্ষেপ । দেশৰ ইতিহাসত আজিলৈ কোনে দলে এনেকৈ সাধাৰণ মানুহৰ মাজত সোমাই যাব পৰা নাই বুলি কয় গুৱাহাটীৰ সাংসদগৰাকীয়ে ।
