যোৰহাট, 11 মে’: এইবাৰ দেৰগাঁৱত উৎখাত নাৰী দেহ ব্যৱসায় ঘাটি ৷ দেৰগাঁও কমল দুৱৰা মহাবিদ্যালয়ৰ নাতিদূৰৈৰ এটা গৃহত থকা দেহ ব্যৱসায়ৰ ঘাটি উৎখাত কৰে আৰক্ষীয়ে ৷ এই কাণ্ডৰে জড়িত থকাৰ সন্দেহত যুৱতী-মহিলাসহ 6 গৰাকীক আটক আৰক্ষীৰ (Sex racket busted at Dergaon) ৷
ৰাইজৰ অভিযোগ অনুসৰি এটা চক্ৰটই দীৰ্ঘদিনৰে পৰা অতি সংগোপনে চলাই আহিছিল নাৰী দেহ ব্যৱসায় ৷ ঘটনাস্থলীৰ পৰা আৰক্ষীয়ে ম’বাইল ফোনৰ লগতে জব্দ কৰে বহু আপত্তিজনক সামগ্ৰী ৷ লগতে আটক কৰাসকলৰ ভিতৰত 2 গৰাকী বোৱাৰী, এগৰাকী যুৱতী আৰু 3জন যুৱক ৷ স্থানীয় লোকৰ সহযোগত আৰক্ষীয়ে উৎখাত কৰিবলৈ সক্ষম হয় এই চক্ৰটো (Sex racket busted) ৷
চক্ৰটোৰ সৈতে জড়িত অন্য লোকৰ সন্ধানত আৰক্ষীয়ে আৰম্ভ কৰিছে তদন্ত ৷ আনহাতে আটকাধীন যুৱক কেইজনক প্ৰত্যক্ষ কৰি দেৰগাঁৱৰ আৰক্ষীৰ প্ৰশিক্ষণস্থলীত প্ৰশিক্ষণৰত জোৱান বুলি সন্দেহ প্ৰকাশ কৰিছে স্থানীয় লোকে ৷
উল্লেখ্য যে, একাংশ যুৱতী-বোৱাৰীক লক্ষ্য কৰি এই চক্ৰটোৱে দীৰ্ঘদিন ধৰি নাৰী দেহ ব্যৱসায় চলাই আহিছিল ৷ সহজে ধন ঘটাৰ প্ৰলুভন দি এটা চক্ৰই দেৰগাঁৱৰ বিভিন্ন প্ৰান্তত এই ব্যৱসায় চলাই থকা অভিযোগ দীৰ্ঘদিনীয়া ৷ দেৰগাঁও আৰক্ষী প্ৰশিক্ষণ মহাবিদ্যালয়ত প্ৰশিক্ষণৰত জোৱানেও উক্ত স্থানলৈ সঘনে আহ-যাহ কৰে বুলি উত্থাপন হৈছে অভিযোগ ৷ এই অসৎ চক্ৰৰ বিৰুদ্ধে আৰক্ষীক কঠোৰতম ব্যৱস্থা গ্ৰহণ কৰাৰ আহ্বান জনাইছে ৰাইজে ৷
উল্লেখ্য যে, বিগত মাহত বৰপেটা ৰোডত ৰাইজে উৎখাত কৰিছিল এটা নাৰী দেহ ব্যৱসায়ৰ ঘাটি ৷ সেই ঘটনাত জড়িত থকাৰ সন্দেহত মহিলাক প্ৰহাৰৰ কৰাৰ এটা ভিডিঅ’ সংবাদমাধ্যমত প্ৰচাৰ হোৱাৰ পাচতেই আৰক্ষীয়ে আটক কৰিছিল বহু কেইজন লোকক ৷ এনেদৰেই এতিয়া ৰাজ্যৰ বিভিন্ন প্ৰান্তত অব্যাহত আছে নাৰী দেহৰ ৰমৰমীয়া বেহা ৷ আৰক্ষীৰ চকুত ধূলি দি একাংশই চলাই গৈছে এই ব্যৱসায় (Sex racket in Assam) ৷
লগতে পঢ়ক: Sex racket: ৰাইজে উৎখাত কৰিলে নাৰী দেহ ব্যৱসায়ী চক্ৰ; যুৱতীকো মাৰধৰ
