যোৰহাট, 28 ছেপ্তেম্বৰ: যোৰহাট চহৰত সৃষ্টি হোৱা ব্যাপক যান-জঁটৰ প্ৰতি লক্ষ্য ৰাখি 2013 চনতে কংগ্ৰেছ চৰকাৰে নিৰ্মাণ কৰা অত্যাধুনিক বহু মহলীয়া কাৰ পাৰ্কিং ব্যৱস্থাত ব্যাপক কেলেংকাৰী সংঘটিত হোৱাৰ অভিযোগেৰে অসম জাতীয়তাবাদী যুৱ ছাত্ৰ পৰিষদৰ প্ৰতিবাদ ৷ সোমবাৰে এই কেলেংকাৰীৰ উচিত তদন্তৰ কৰাৰ দাবীৰে তথা দোষীক উচিত শাস্তি প্ৰদান কৰিবলৈ এক প্ৰতিবাদী কাৰ্যসূচী ৰূপায়ণ কৰে অসম জাতীয়তাবাদী যুৱ ছাত্ৰ পৰিষদৰ যোৰহাট জিলা নগৰ সমিতিয়ে ৷ কিন্তু আটাইতকৈ গুৰুত্বপূৰ্ণ বিষয় এইয়াই যে, উক্তি বহু মহলীয়া কাৰপাৰ্কিং প্ৰকল্পটোৰ বহু গুৰুত্বপূৰ্ণ ফাইলটো হেৰাই যোৱাৰ তথ্য পোহৰলৈ আহিছে ৷ পূৰ্বৰ পৌৰপতি, পৌৰসভা একাংশ কৰ্মী আৰু ঠিকাদাৰে দুৰ্নীতি লুকোৱাবৰ বাবেই এই গুৰুত্বপূৰ্ণ ফাইলটো হৰলুকী কৰা বুলি অভিযোগ উত্থাপন কৰিছে কেন্দ্ৰীয় বিত্তীয় মন্ত্ৰী শিৱ কলিতাই ৷ এই ঘটনা সম্পৰ্কত অৱগত হোৱাৰ পাছতে তীব্ৰ প্ৰতিক্ৰিয়া প্ৰকাশ কৰা লগতে উচিত তদন্তৰ দাবী জনাইছে অসম জাতীয়তাবাদী যুৱ ছাত্ৰ পৰিষদে ৷
উল্লেখ্য যে, যোৰহাট চহৰত যান-জঁটৰ সমস্যা দূৰ কৰিবলৈ ২০১৩ চনতে কংগ্ৰেছ চৰকাৰে হাতত লৈছিল এক অত্যাধুনিক বহু মহলীয়া গাড়ী পাৰ্কিং প্ৰকল্প ৷ চৰকাৰ সলনি হল, কংগ্ৰেছৰ পৌৰসভাৰ ঠাইত আহিল বিজেপি দলৰ পৌৰসভা ৷ কিন্তু যোৰহাটৰ আটাইতকৈ গুৰুত্বপূৰ্ণ অংশ স্বৰূপ এই আঁচনি খন এতিয়া পুখুৰী লৈ পৰিণত হ'ল ৷ প্ৰকল্পটোৰ লগত জড়িত থকা বহু বিষয়া আৰু ঠিকাদাৰৰ অৱহেলাৰ বাবে 7 বছৰ ওকলি যোৱাৰ পাছতো আজি পৰ্যন্ত সম্পূৰ্ণ নহ'ল যোৰহাট নগৰৰ মাজমজিয়াত থকা বহু মহলীয়া যান বাহন প্ৰকল্পটো ৷ উল্লেখযোগ্য যে, 10 কোটি 51 লাখ ব্যয় সাপেক্ষে নিৰ্মাণ কৰিবলৈ লোৱা প্ৰকল্পটোৰ তলৰ মহলাত 70 খন দোকান ঘৰৰ লগতে 150 খন বাহনৰ ব্যৱস্থা কৰাৰ পৰিকল্পনা কৰিছিল ৷ কিন্তু চৰকাৰ আহিল আৰু গল, কি কংগ্ৰেছ আৰু কি বিজেপি সকলোৰে দিনত একেদৰেই অৱহেলিত হৈ পৰি ৰল এই কোটি টকীয়া প্ৰকল্পটো ৷
লগতে পঢ়কঃ ক'ভিড-১৯ ক ৰোধিবলৈ নেন' প্লাষ্টিক শ্বীটৰ আৱিষ্কাৰ ! কি এই নেন' টেকন'লজি ?