যোৰহাট, 4 এপ্ৰিল : মুদৈজান কমলাবাৰী সংগীত মহাবিদ্যালয়ৰ একবিংশতম প্ৰতিষ্ঠা দিৱস উপলক্ষে আয়োজিত এক অনুষ্ঠানত বিশিষ্ট সংস্কৃত সাধক ড৹ অকণ চন্দ্ৰ শইকীয়াক প্ৰদান কৰা হয় ‘সত্ৰজ্যোতি সন্মান-২০২১’ ৷ দেওবাৰে দিনযোৰা কাৰ্যসূচীৰে আয়োজিত মহাবিদ্যালয়খনৰ একবিংশতম প্ৰতিষ্ঠা দিৱসত প্ৰদান কৰা হয় এই সন্মান ৷ ২০০১ চনত প্ৰতিষ্ঠা হৈছিল মহাবিদ্যালয়খন ৷
আধ্যাত্মিক তথা সত্ৰীয়া সংস্কৃতিৰ শিক্ষা প্ৰদান কৰি উঠি অহা প্ৰজন্মক নিজৰ চহকী সংস্কৃতিৰ সৈতে পৰিচয় কৰাই দিয়াৰ উদ্দেশ্যে প্ৰতিষ্ঠিত হৈছিল মহাবিদ্যালয়খন ৷ সমগ্ৰ টীয়ক অঞ্চলতে বিশেষকৈ ছাত্ৰ ছাত্ৰী সকলক এক আধ্যাত্মিক তথা সত্ৰীয়া সংকৃতিৰ শিক্ষা প্ৰদান কৰি এক সুস্থ সাংস্কৃতিক পৰিবেশ গঢ়ি তোলাত অগ্ৰণী ভূমিকা পালন কৰি আহিছে মহাবিদ্যালয়খেন ।
উক্ত অনুষ্ঠানত মহাবিদ্যালয় খনৰ ছাত্ৰ ছাত্ৰীসকলে অসমীয়া সংস্কৃতিৰ নৃত্য গীতেৰে অধিক জীপাল কৰি তোলে পৰিৱেশ ৷
লগতে পঢ়ক :বৰপেটাত 144 নং ধাৰা জাৰি
