যোৰহাট, 2 জুলাই : ৰাজ্যত পুনৰ প্ৰতিবাদৰ ঢৌ । বৃহস্পতিবাৰে প্ৰতিবাদত উত্তাল হৈ পৰে যোৰহাটৰ ৰাজপথ । সদৌ অসম ছাত্র সন্থাৰ লগতে বীৰ লাচিত সেনাৰ প্ৰতিবাদত উত্তাল হৈ পৰে যোৰহাটৰ ৰাজপথ ।
যোৰহাট জিলা উপায়ুক্ত কাৰ্যালয়ৰ সন্মুখত সদৌ অসম ছাত্র সন্থাই ভূমি নীতি বিৰোধিতা কৰি প্ৰতিলিপি দাহ কৰে । খিলঞ্জীয়া মানুহৰ ভূমি অধিকাৰ কাঢ়ি নিবলৈ কোনো কীৰণতে দিয়া নহ’ব, কৰ’ণাৰ সংক্ৰমণৰ সময়ত চৰকাৰে নিজৰ স্বাৰ্থ পূৰণৰ লক্ষ্যৰে বনিয়া গোষ্ঠীৰ হাতত ৰাজ্যখনৰ ভূমি হস্তান্তৰ কৰিব বিচৰা কাৰ্যক মানি লোৱা নহ’ব শীৰ্ষক শ্লোগানেৰে উত্তাল কৰি তোলে প্ৰতিবাদস্থলী ৷ অতি শীঘ্ৰেই ব্যৱস্থা গ্ৰহণ নকৰিলে অনাগত দিনত ভয়ংকৰ আন্দোলন গঢ়ি তোলাৰ হুংকাৰ দিয়ে আছুৱে ।
আনহাতে, আন এক জাতীয় সংগঠন বীৰ লাচিত সেনাই চহৰখনৰ মাৰোৱাৰী ঠাকুৰবাৰী সন্মুখত অসম চৰকাৰৰ নতুন ভূমি নীতিৰ বিৰোধিতা কৰি সাব্যস্ত কৰে প্ৰতিবাদ ৷
লগতে পঢ়ক : চিকিৎসক আৰু নাৰ্ছৰ বাবে বছৰৰ শেষলৈ 25 শতাংশ ৰেহাইৰ সুবিধা ইণ্ডিগ'ৰ
