যোৰহাট, 11 অক্টোবৰঃ মৰিয়নী সমষ্টিৰ ১৫ নং মধ্য নকছাৰী গাঁও পঞ্চায়তৰ সচিব কালীনাথ বৰাক সীমাহীন দুৰ্নীতিৰ অভিযোগত গ্ৰেপ্তাৰ কৰে আৰক্ষীয়ে । 14তম ফাইনেন্সৰ ধন আৰু চৰকাৰী আঁচনি সমূহৰ ধন সদব্যৱহাৰ নকৰাৰ অভিযোগ উত্থাপন হৈছিল এই সচিব জনৰ বিৰুদ্ধে । চৰকাৰী ধন আত্মসাৎ কৰাৰ অভিযোগ তুলি নকছাৰীৰ ডালিমী গগৈ নামৰ এগৰাকী মহিলাই বৰাৰ বিৰুদ্ধে মৰিয়নী আৰক্ষী থানাৰ অন্তৰ্গত দেবেৰাপাৰ আৰক্ষী চকীত এজাহাৰ দাখিল কৰে । এজাহাৰৰ ভিত্তিতে আৰক্ষীয়ে তদন্ত কৰি সচিব বৰাৰ বিৰুদ্ধে উত্থাপন কৰা অভিযোগ সঁচা প্ৰমাণিত হোৱাত ধাৰা 409/420ত কালীনাথ বৰাক গ্ৰেপ্তাৰ কৰি জেল হাজোতলৈ প্ৰেৰণ কৰে ।
মৰিয়নীৰ দুৰ্নীতিগ্ৰস্ত পঞ্চায়তৰ সচিবক গ্ৰেপ্তাৰ
লগতে পঢ়কঃ- কঠিয়াতলীৰ পেট্ৰ'ল পাম্পত গুলীচালনা : 5 জনক আটক
