যোৰহাট,17 ফেব্ৰুৱাৰী: মঙলবাৰে নিশা যোৰহাটৰ এটা ব্যক্তিগত খণ্ডৰ সংবাদ গোষ্ঠীৰ কাৰ্যালয়ত দুৰ্বৃত্তৰ আক্ৰমণ ৷ প্ৰায় 12-15 জনীয়া এটা দুৰ্বৃত্তৰ দলে আক্ৰমণ চলাই কাৰ্যালয়টোৰ ক্ষতিসাধন কৰে ৷ যাৰ ফলত কাৰ্যালয়টোত থকা জিণ্টু শইকীয়া নামৰ সাংবাদিকগৰাকীৰ লগতে প্ৰকাশ কৰ্মকাৰ আৰু আন এগৰাকী যুৱক গুৰুতৰভাৱে আহত হয় ৷ AS 01 AN 1699 নম্বৰৰ এখন ৱেগনাৰ বাহনত অহা দুৰ্বৃত্তৰ দলটোৰ বিৰুদ্ধে আৰক্ষীয়ে আৰম্ভ কৰিছে অভিযান ৷
সংবাদ গোষ্ঠীৰ কাৰ্যালয়ত দুৰ্বৃত্তৰ আক্ৰমণ
উল্লেখ্য যে, দলটোৱে ব্যৱহাৰ কৰা ৱেগনাৰ বাহনখন ইতিমধ্যে আৰক্ষীয়ে জব্দ কৰাৰ লগতে জীৱন বৰা, শ্যামলজ্যোতি বৰা আৰু ভবেন গগৈ নামৰ তিনিজন যুৱকক ঘটনা সন্দৰ্ভত আটক কৰিছে ৷ এই ঘটনাত জড়িত আন ব্যক্তিকেইগৰাকীৰ বিৰুদ্ধে ইতিমধ্যে যোৰহাট আৰক্ষীয়ে তীব্র অভিযান আৰম্ভ কৰিছে ৷
