হায়দৰাবাদ: তথ্য প্ৰকাশ হৈছে যে চলিত মাহতে ছেমছাঙে গেলাক্সি S25 ছিৰিজ মুকলি কৰিব পাৰে । 22 জানুৱাৰীত এক অনুষ্ঠানত প্ৰকাশ কৰা হ’ব ইয়াৰ দাম । ইয়াৰ পূৰ্বে কোম্পানীটোৱে গেলাক্সি S23 আল্ট্ৰাৰ মূল্য বহু পৰিমাণে হ্ৰাস কৰিছে । এই ফোনটো আমাজনত সৰ্বনিম্ন মূল্যত উপলব্ধ । এই ডিভাইচটো যদি আপুনি ক্ৰয় কৰিব বিচাৰে তেন্তে এইটোৱে হ’ব সঠিক সুযোগ ।
বৃহৎ মূল্য হ্ৰাস: ছেমছাং গেলেক্সি S23 আল্ট্ৰাৰ 12GB + 256GB ভেৰিয়েন্টৰ মূল্য 1.49 লাখ টকা, কিন্তু আমাজনত 79,999 টকাত উপলব্ধ । এই ফোনত আমাজনে প্ৰায় 47 শতাংশ ৰেহাই দিছে । ৰেহাইৰ লগতে বিনামূলীয়া ইএমআই আৰু একাধিক বেংকৰ অফাৰো উপলব্ধ । ইয়াৰ দ্বাৰা ইয়াক কিনা লোকসকলে আৰু অধিক ধন ৰাহি কৰিব পাৰে । আমাজনেও এক্সচেঞ্জ অফাৰত এই ফ্লেগশ্বিপটো ক্ৰয় কৰাৰ সুযোগ আগবঢ়াইছে ।
ছেমছাং গেলেক্সি S23 আল্ট্ৰাৰ বৈশিষ্ট্যসমূহ: ছেমছাং গেলেক্সি S23 আল্ট্ৰাত আছে অতি উত্তম বৈশিষ্ট্য । এই ফোনটোত AMOLED ডিছপ্লে আছে । ই 120Hz এডাপ্টিভ ৰিফ্ৰেছ হাৰ সমৰ্থিত । ইয়াত শক্তিশালী পৰিৱেশন আৰু সহজ মাল্টি-টাস্কিঙৰ বাবে কোৱালকম স্নেপড্ৰেগন 8 জেন 2 চিপছেট আছে । ই 12GB+256 GB আৰু 12GB+512GB ষ্ট’ৰেজ ভেৰিয়েণ্টত উপলব্ধ ।
কেমেৰাৰ কথা ক’বলৈ গ’লে এই ফোনটোত কোৱাড কেমেৰা ছেটআপ আছে । ইয়াত আছে 200MP মেইন লেন্স, 10MP টেলিফটো লেন্স, 10MP পেৰিস্কোপ কেমেৰা আৰু 12MP আল্ট্ৰাৱাইড কেমেৰা । মুকলিৰ সময়ত এই ফোনটোৰ কেমেৰাটোক অতিশয় প্ৰশংসা কৰা হৈছিল । এই কেমেৰা ছেটআপৰ সৈতে এই ফোনটোৱে এতিয়াও আন কোম্পানীসমূহৰ বহু ফ্লেগশ্বিপ মডেলৰ সৈতে প্ৰতিযোগিতাত অৱতীৰ্ণ হৈছে । সুলভ মূল্যত ভাল ফিচাৰ থকা ফ্লেগশ্বিপ ফোন এটা কিনিব বিচৰা লোকে এই স্মাৰ্টফোনটো ক্ৰয় কৰিব পাৰে ।
