যোৰহাট,6 ফেব্ৰুৱাৰীঃ পশ্চিম যোৰহাটৰ বহতীয়া গাঁৱত এটা ঘৰৰ পৰা যোৱা সোমবাৰে নিশা একাংশ স্থানীয় লোকে আৰু গাঁওৰক্ষী বাহিনীয়ে নাৰীদেহৰ ব্যৱসায়ীৰ সন্দেহত তিনিগৰাকী কিশোৰীক উদ্ধাৰ কৰি আৰক্ষীক গতাই দিছিল ৷ ঘটনাটো প্ৰথম অৱস্থাত সাধাৰণতে ঘটি থকা এক ঘটনা বুলিয়ে ভবা হৈছিল যদিও পৰৱৰ্তী সময়ত যোৰহাট আৰক্ষীয়ে তেওঁলোকক সোধা-পোছা কৰাত পোহৰলৈ আহিলে ঘৰটোৰ পৰা চলি থকা এক বৃহৎ নাৰীদেহ ব্যৱসায়ীৰ এক ভয়ংকৰ তথ্য ৷ সেই ঘৰটোতেই ৰিম্পী দাস আৰু পল্লৱ জ্যোতি সন্দিকৈ নামৰ যুৱকজনে বহু কিশোৰী মহিলাক আনি বিভিন্ন কৌশলেৰে গোপনে ফটো ৰেকৰ্ড কৰি এই ব্যৱসায়ীৰ লগত জড়িত কৰাৰ অভিযোগ উত্থাপন হৈছে ৷
যোৰহাট আৰক্ষীৰ বৃহৎ নাৰী দেহ চক্ৰ উৎখাত আনকি এই বহতীয়া গাঁৱৰ ঘৰতোৰ পৰাই দেহ ব্যৱসায়ীৰ লগতে চলিছিল হানি ট্রেপিং আৰু ব্লেকমেলিংৰ দৰে কাৰ্য ৷ যোৰহাটত শিপাই থকা এই বৃহৎ নাৰীদেহ ব্যৱসায়ৰ বিৰুদ্ধে ডিএচপি বিভাস দাসৰ নেতৃত্বত সম্পূৰ্ণ অভিযান চলাই শুকুৰবাৰে নগালেণ্ডৰ মোককচং অঞ্চলত পলায়ন কৰি থকা এই দেহ ব্যৱসায়ৰ মাষ্টাৰ মাইণ্ড তিতাৱৰৰ পল্লৱ সন্দিকৈ আৰু দেৰগাঁওৰ ৰিম্পী দাসক কৰায়ত্ব কৰিবলৈ সক্ষম হৈছে ৷ আনহাতে ডিএচপি বিভাস দাসে জানিব লৈ দিয়ে যে,এই বৃহৎ নাৰী দেহ ব্যৱসায়ী চক্ৰৰ লগত মহিলা সমিতিকে ধৰি আৰু বহু ব্যক্তি জড়িত হৈ থকাৰ সন্দেহ কৰা হৈছে ৷ সম্প্ৰতি সমগ্ৰ ঘটনাৰ সৰ্ন্দভত ব্যাপক তদন্ত অব্যাহত ৰাখিছে আৰক্ষীয়ে ৷ লগতে পঢ়কঃ
ভূত-ভৱিষ্যত নাই লুৰীণ জ্যোতি গগৈৰঃ চন্দ্ৰ মোহন পাটোৱাৰী
