পুখুৰীত ওপঙি থকা অৱস্থাত উদ্ধাৰ মহিলাৰ মৃতদেহ !

টীয়কত উদ্ধাৰ হোৱা এগৰাকী মহিলাৰ মৃতদেহক কেন্দ্ৰ কৰি সৃষ্টি অঞ্চলজুৰি চাঞ্চল্য় ৷ ঘটনাস্থলীত আৰক্ষী উপস্থিত হৈ ঘটনাৰ তদন্ত কৰাৰ লগতে মৃতদেহৰ মৰণোত্তৰ পৰীক্ষাৰ ব্যৱস্থা কৰে ৷

টীয়ক,12 মে’: যোৰহাট জিলাৰ টীয়কত উদ্ধাৰ হৈছে এগৰাকী মহিলাৰ মৃতদেহ ৷ মঙলবাৰে পুৱতি নিশা এটা পুখুৰীত মহিলাৰ মৃতদেহ উদ্ধাৰক কেন্দ্ৰ কৰি অঞ্চলজুৰি সৃষ্টি হৈছে চাঞ্চল্যৰ ৷ ঘটনাৰ বিৱৰণী অনুসৰি,টীয়কৰ বনাই বাৰেঘৰত সোমবাৰে নিশা উদ্ধাৰ হয় সুমিত্ৰা ভড়ালী নামৰ মহিলাগৰাকীৰ মৃতদেহ ৷

পাৰিবাৰিক কন্দলৰ পৰিণতিত মহিলাগৰাকীক স্বামী লক্ষী ভড়ালীয়ে হত্যা কৰি ঘটনাৰ অন্য ৰূপ দিয়াৰ সন্দেহ প্ৰকাশ কৰিছে একাংশ স্থানীয় লোকে । দীৰ্ঘদিনৰ পৰা স্বামী-স্ত্ৰীৰ মাজত সংঘাত হোৱাৰ কথা প্ৰকাশ কৰিছে স্থানীয় ৰাইজে ৷ ইতিমধ্যে ঘটনাস্থলীত টীয়ক আৰক্ষী উপস্থিত হৈ মৃতদেহৰ মৰণোত্তৰ পৰীক্ষাৰ ব্যৱস্থা কৰাৰ লগতে স্বামী লক্ষীক আটক কৰি ঘটনাৰ তদন্ত আৰম্ভ কৰিছে ।

লগতে চাওকঃ ন-প্ৰভাতৰ সুখৰ কিৰণ জানমণিৰ চোতালত !