টীয়ক, 22 ডিচেম্বৰ: মঙলবাৰে কলিয়াপানী শনিবৰীয়া সাপ্তাহিক বজাৰত এক প্ৰতিবাদী কাৰ্যসূচী ৰূপায়ন কৰে সদৌ অসম আদিবাসী ছাত্ৰ সন্থাৰ চেলেংহাট আঞ্চলিক সমিতিয়ে ৷ জাঁজী টি কোম্পানীৰ ভূমি বেদখল কৰাৰ বিৰুদ্ধে অৱস্থান ধৰ্মঘট কাৰ্যসূচী ৰূপায়ন কৰিলে সংগঠনটোৱে ৷
অভিযোগ অনুসৰি, বিগত বহু দিন ধৰি জাঁজী টি কোম্পানীৰ অধীনত থকা ভূমি বেদখলক লৈ বিভিন্ন দল সংগঠনৰ লগতে আদিবাসী ছাত্ৰ সন্থাই অতি শীঘ্ৰেই সেই ভূমি বেদখলমুক্ত কৰিবলৈ দাবী জনাই আহিছে ৷ তৎসত্বেও এই পৰ্যন্ত তেওঁলোকে পোৱা নাই কোনো ধৰণৰ সুফল ৷ যাৰ বাবে মঙলবাৰে সংগঠনটোৱে অৱস্থান ধৰ্মঘট কাৰ্যসূচী গ্ৰহণ কৰি পুনৰ ভূমি বেদখলমুক্ত কৰিবলৈ সকীয়নি প্ৰদান কৰে ৷ তেওঁলোকৰ দাবী মানি নল'লে অতি শীঘ্ৰেই গণতান্ত্ৰিক আন্দোলন তোলাৰ হুংকাৰ প্ৰদান কৰে প্ৰতিবাদকাৰী সকলে ৷
লগতে পঢ়ক: যোৰহাটৰ ৰাজপথত চাকৰি বিচাৰি প্ৰতিবাদ
