হোজাই, 4 অক্টোবৰ: পশ্চিম কাৰ্বি আংলঙৰ ভিন্ন প্ৰান্তত অব্যাহত আছে বন ধ্বংস যজ্ঞ ৷ এক গোপন সূত্ৰৰ তথ্যৰ ভিত্তিত খেৰণি বন বিভাগে শনিবাৰে নিশা অসম-মেঘালয় সীমান্তৰ পশ্চিম কাৰ্বি আংলঙৰ মুলাবেৰ গাঁৱত অভিযান চলাই ML-04 B-6077 নম্বৰৰ এখন বলেৰ' পিকআপ ভানসহ বৃহৎ পৰিমাণৰ চোৰাং কাঠৰ কুণ্ডা জব্দ কৰিবলৈ সক্ষম হয় ৷
অভিযানকাৰী দলটোৱে জানিবলৈ দিয়া অনুসৰি, পশ্চিম কাৰ্বি আংলঙৰ পৰা মেঘালয়লৈ কুণ্ডাসমূহ সৰবৰাহ কৰাৰ চেষ্টা চলাইছিল সৰবৰাহকাৰী ৷ উল্লেখ্য যে, দলটোৱে কাঠৰ কুণ্ডা ভৰ্তি গাড়ীখন জব্দ কৰে যদিও, সৰবৰাহকাৰীক কৰায়ত্ত কৰাৰ ক্ষেত্ৰত বিফল হয় ৷ জব্দকৃত বাহনখন সম্প্ৰতি খেৰণি বন বিভাগৰ কাৰ্যলয়লৈ অনাৰ লগতে, সৰবৰাহকাৰীৰ বিৰুদ্ধে অনুসন্ধান অব্যাহত ৰাখিছে বিভাগীয় কৰ্তৃপক্ষই ৷
লগতে পঢ়ক: গোৱালপাৰাত অবৈধ কাঠ আৰু কাঠফলা মিল জব্দ
