হোজাইত অব্যাহত বন্যহস্তীৰ তাণ্ডৱ

হোজাইৰ বিভিন্ন প্ৰান্তৰ ৰাইজৰ নিদ্ৰা হাৰিছে বনৰীয়া হাতীয়ে ৷ সোমবাৰে তিনিটাকৈ বাসগৃহ ভাঙি লণ্ড-ভণ্ড কৰে বন্যহস্তীয়ে ৷

হোজাই,21জুলাইঃ ৰাজ্যত কৰ‘ণা আৰু বানপানীৰ সংহাৰৰ মাজতেই হোজাইত বন্যহস্তীয়ে নিদ্ৰা হৰিছে ৰাইজৰ ৷ সোমবাৰে নিশা হোজাইৰ দীঘলবালি অঞ্চলত বনৰীয়া হস্তীয়ে চলালে তাণ্ডব ।

খাদ্যৰ সন্ধানত জানাঞ্চনলৈ ওলায় অহা এটা বন্যহস্তীয়ে তিনিটাকৈ বাসগৃহৰ লগতে পাকঘৰ ভাঙি লণ্ড ভণ্ড কৰে । কথমপি প্ৰাণৰক্ষা পৰে ঘৰত থকা লোক কেইজনৰ। ইপিনে জিতেশ্বৰ হাছাম, মৌচুমী হাছাম আৰু জুতিকা কুৰ্মীৰ বাসগৃহ লণ্ড ভণ্ড কৰে বন্যহস্তীয়ে ৷

লগতে পঢ়কঃ ইটিভি ভাৰতৰ বাতৰিৰ প্ৰভাৱ : গৰাখহনীয়া ৰোধৰ বাবে তৎপৰ জলসম্পদ বিভাগ