হোজাই, 21 অক্টোবৰ: প্ৰডাক্টিভিটি বোনাচৰ দাবীৰে উত্তৰ-পূৱ সীমান্ত ৰেলৱেৰ লামডিং শাখাৰ মজদুৰ সংঘ আৰু কৰ্মচাৰী সংঘৰ প্ৰতিবাদ ৷ আগন্তুক দুদিনৰ ভিতৰত কেন্দ্ৰীয় চৰকাৰে বোনাচ প্ৰদান কৰাৰ ক্ষেত্ৰত কোনো ব্যৱস্থা গ্ৰহন নকৰিলে প্ৰতিবাদকাৰী সকলে জংগী আন্দোলন গঢ়ি তোলাৰ হুংকাৰ দিয়ে ৷ প্ৰতিবাদকাৰী সকলে মন্তব্য কৰে যে এই বিশেষ বোনাচ প্ৰদানৰ ক্ষেত্ৰত ৰেল বিভাগৰ শীৰ্ষ কৰ্তৃপক্ষই কোনো নিৰ্দেশ জাৰি নকৰিলে উদ্ভৱ হ'ব লগা যিকোনো পৰিস্থিতিৰ বাবে ৰেল বিভাগৰ শীৰ্ষ কৰ্তৃপক্ষ জগৰীয়া হ'ব ৷
বুধবাৰে এই দুই শ্ৰমিক সংগঠনে হাতে বাতে মমবাতি লৈ এক সমদল বাহিৰ কৰি প্ৰতিবাদ সাব্যস্ত কৰে ৷ উল্লেখ্য যে প্ৰতিবছৰে শাৰদীয় দুৰ্গোৎসৱৰ পূৰ্বে কেন্দ্ৰীয় চৰকাৰৰ কৰ্মচাৰী সকলক 'প্ৰডাক্টিভিটি লিংক বোনাচ' নামৰ এক বিশেষ বোনাচ প্ৰদান কৰা হয় ৷ কিন্তু বৰ্তমানলৈকে এই বোনাচ লাভ নকৰাত এইসকল কৰ্মচাৰী ক্ষোভিত হৈ পৰিছে ৷ প্ৰতিবাদকাৰী সকলে কয় যে এই বোনাচ তেওঁলোকৰ অধিকাৰ ৷ বোনাচ প্ৰদান নকৰিলে তীব্ৰ আন্দোলন গঢ়ি তোলাৰো হুংকাৰ দিয়ে প্ৰতিবাদকাৰী সকলে ৷ প্ৰতিবাদকাৰী সকলে কয় যে আগন্তুক দুদিনৰ ভিতৰত কেন্দ্ৰীয় চৰকাৰে বোনাচ প্ৰদান কৰাৰ বাবে কোনো ব্যৱস্থা গ্ৰহন নকৰিলে জংগী আন্দোলন গঢ়ি তোলাৰ লগতে সমগ্ৰ দেশতে 'ৰেল ৰকৌ' কাৰ্যসূচী গঢ়ি তুলিব ৷
লগতে পঢ়ক: মূল্য বৃদ্ধিৰ বিৰুদ্ধে গুৱাহাটীত ছাত্ৰ সন্থাৰ প্ৰতিবাদ
