হোজাই, 25 জানুৱাৰী : হোজাই জিলাৰ লামডিং বনাঞ্চলৰ সমীপৰ বামুণগাঁও অঞ্চলত বন বিভাগে অভিযান চলাই এগৰাকী চোৰাং চিকাৰীক আটক কৰিছে ৷ বামুণগাঁও অঞ্চলত যুৱক গৰাকী ঘূৰি ফুৰা অৱস্থাত যুৱক জনৰ ওপৰত বন বিভাগৰ সন্দেহ উপজে ৷ ইয়াৰ পাছতে যুৱক গৰাকীক সোধ পোচ কৰি কিছু তথ্য লাভ কৰাৰ পাছত বন বিভাগে যুৱক গৰাকীক আটক কৰে ৷ ধৃতচোৰাং চিকাৰী জনৰ নাম আব্দুল হুছেইন বুলি জানিব পৰা গৈছে ৷
বন বিভাগে জানিবলৈ দিয়া মতে আটকাধীন আব্দুল হুছেইনৰ পৰা বন বিভাগে এখন চৰাই ধৰা জাল, চাৰিটা কপৌ চৰাই আৰু এখন গছ কটা দা উদ্ধাৰ কৰিবলৈ সক্ষম হৈছে ৷ জানিব পৰা মতে ধৃত আব্দুল হুছেইনক লংকা বন বিভাগৰ কাৰ্যালয়ত ৰাখি লংকা বন বিভাগে জেৰা অব্যাহত ৰাখিছে ৷
লগতে পঢ়ক:বিলাসীপাৰাত চোৰাং ব্যৱসায়ীৰ বিৰুদ্ধে বন বিভাগৰ অভিযান
