খাদ্য সংকটত কাকীৰ কণ্টেইনমেন্ট জ'নৰ ৰাইজ

কৰ'ণাত আক্ৰান্তৰ সংখ্যা বৃদ্ধি হোৱাৰ লগে লগে হোজাইৰ কাকীৰ কেইবাটাও অঞ্চল কণ্টেইনমেন্ট জ'ন হিচাপে ঘোষণা কৰা হৈছে । কিন্তু অঞ্চলটোৰ ৰাইজৰ খবৰ ল'বলৈ আহৰি নাই প্ৰশাসনৰ লোকৰ । অতি শীঘ্ৰে তেওঁলোকৰ সমস্যা সমাধানৰ দাবী ।

হোজাই, ১৯ মে': কৰ'ণাত আক্ৰান্তৰ সংখ্যা বৃদ্ধি হোৱাৰ লগে লগে কণ্টেইনমেন্ট জ'নৰ সংখ্যাও বাঢ়িছে । ৰাজ্যৰ ভিন্ন প্ৰান্তৰ লগতে হোজাই জিলাৰ কাকী অঞ্চলত কেইটাও কণ্টেইনমেন্ট জ'ন ঘোষণা কৰা হৈছে । কিন্তু শেহতীয়াকৈ কাকীৰ কণ্টেইনমেন্ট জ'নত থকা পাথৰি, গোপালপুৰ আৰু নামনি গাঁৱৰ ৰাইজ ভুগিছে অত্যাৱশ্যকীয় খাদ্য-সামগ্ৰীৰ অভাৱত ।

প্ৰশাসনে প্ৰায় ১০ কিলোমিটাৰ অঞ্চল কণ্টেইনমেন্ট জ'ন হিচাপে ঘোষণা কৰিছে । কিন্তু স্থানীয় ৰাইজৰ অভিযোগ প্ৰশাসনৰ কোনো লোকে তেওঁলোকৰ খবৰ লোৱা নাই । যাৰ বাবে ক্ষোভিত হৈ পৰিছে অঞ্চলটোৰ ৰাইজ । অতি শীঘ্ৰে অত্যাৱশ্যকীয় খাদ্য-সামগ্ৰী ৰাইজক যোগান ধৰিবলৈ প্ৰশাসনক দাবী জনাইছে ।

লগতে পঢ়ক:মুখ্যমন্ত্রীৰ সাহাৰ্য পুঁজিলৈ হিমন্ত বিশ্ব শৰ্মাৰ পুত্রৰ বৰঙণি