হোজাইত সুলভ পুষ্টি আৰু খাদ্য প্ৰাপ্তি যোজনাৰ শুভাৰম্ভণি

উদ্বোধনী অনুষ্ঠানত উপস্থিত থাকে বিধায়ক শিলাদিত্য দেৱ

হোজাই, ২ মাৰ্চ: হোজাইত শুভাৰম্ভ কৰা হৈছে অসম চৰকাৰৰ ১ টকীয়া চাউল বিতৰণৰ নতুন আঁচনি । অসম চৰকাৰৰ সুলভ পুষ্টি আৰু খাদ্য প্ৰাপ্তি যোজনাৰ অধীনত জনকল্যান সমবায় সমিটিকে ধৰি হোজাইৰ আটাইকেইটা সমবায় সমিতিত শুভাৰম্ভ কৰা হয় এই আঁচনিৰ ।

সেই উপলক্ষে সমবায় সমিতি সমূহত এক সভাও অনুষ্ঠিত কৰা হয় ।

সভাত হোজাইৰ বিধায়ক শিলাদিত্য দেৱ উপস্থিত থাকি বন্তি প্ৰজ্বলনেৰে আঁচনিৰ শুভাৰম্ভ কৰে । লগতে হিতাধিকাৰীৰ মাজত আনুষ্ঠানিক ভাৱে চাউল বিতৰণ কৰে বিধায়ক গৰাকীয়ে ।