হোজাই, 14 মাৰ্চঃ 500 টকাৰ বাবে বাইক চুৰি কাৰ্য সংঘটিত কৰি ৰঙাঘৰৰ আলহী হ’ল আলটাফ হুছেইন ৷ নজৰুল ইছলাম নামৰ যুৱকজনৰ পালছাৰ বাইক এখন ইছলাম নগৰ বজাৰৰ পৰা সুযোগ বুজি উধাও হৈছিল আলটাফে ৷ সমগ্ৰ চুৰিৰ দৃশ্য বন্দী হৈ ৰয় চিচি কেমেৰাত । চিচি কেমেৰাৰ ভিত্তিতেই পৰৱৰ্তী সময়ত স্থানীয় ৰাইজে কৰায়ত্ত কৰিবলৈ সক্ষম হয় ধৃত চোৰ জনক ৷ পিচত ৰাইজে নীলবাগান আৰক্ষীক গতাই দিয়ে ধৃত চোৰটোক ।
500 টকাৰ বাবে বাইক চোৰিত লিপ্ত এজন
আৰক্ষীৰ সন্মুখত আলটাফ হুছেইনৰ চাঞ্চল্যকৰ ভাষ্য । বাইকখন চুৰি কৰিবলৈ চাবি যোগান ধৰিছিল ইকবাল নামৰ এজন যুৱকে। বাইকখন চুৰি কৰাৰ পিছত ইছলাম নগৰ দলঙৰ ওচৰত ইকবাল আৰু অলিমুদ্দিনৰ হাতত গতাই দিছিল বাইকখন । যাৰ বাবে 500 টকা দিছিল আলটাফক ।
লক্ষণীয় যে আৰক্ষীয়ে ইতিমধ্যে চুৰি বাইকখনউদ্ধাৰ কৰিবলৈ সক্ষম হৈছে যদিও চুৰিকাণ্ডৰ মূলঅলিমুদ্দিন আৰু ইকবালক এই পৰ্যন্ত কৰায়ত্ত কৰিবলৈ সক্ষম হোৱা নাই আৰক্ষীয়ে ৷
