হোজাই, 22 ফেব্ৰুৱাৰী: হোজাই জিলাৰ লংকাৰ 1 নং পিপলপুখুৰীত চাইল্ড লাইনে অভিযান চলাই এগৰাকী 16 বছৰীয়া কিশোৰী উদ্ধাৰ কৰিবলৈ সক্ষম হৈছে ৷ পিপলপুখুৰীৰ লিটন দাস নামৰ এজন লোকৰ ঘৰত অভিযান চলাই চাইল্ড লাইনে কিশোৰী গৰাকীক উদ্ধাৰ কৰে ৷
প্ৰাপ্ত তথ্য অনুসৰি 16 বছৰীয়া কিশোৰী গৰাকী বিবাহিত ৷ প্ৰায় 6 মাহ পূৰ্বে লামডিঙৰ পৰা কিশোৰী গৰাকীক পলুৱাই আনি লিটন দাস কিশোৰী গৰাকীৰ সৈতে বিবাহপাশত আৱদ্ধ হৈছিল ৷
কিশোৰী গৰাকীক স্বাস্থ্য পৰীক্ষা কৰোৱাৰ পাছত হোজাই চাইল্ড লাইনে কিশোৰী গৰাকীক নগাওঁ CWC কেন্দ্ৰলৈ প্ৰেৰণ কৰে বুলি জানিব পৰা গৈছে ৷
