হাইলাকান্দি, 16 আগষ্টঃ স্বাধীনতাৰ পাচত চৰকাৰ বহুত সলনি হ’ল, কিন্তু সলনি নহ’ল এখন গাঁৱৰ বাসিন্দাৰ ভাগ্য ৷ এই গাঁওখন হৈছে হাইলাকান্দি জিলাৰ কাঠলিছড়া সমষ্টিৰ ধামছড়া গাঁও ৷
গাঁওখনত থকা পথৰ অৱস্থা অত্যন্ত জৰাজীৰ্ণ ৷ বাৰিষা বৰষুণৰ পাচত পথ নে পথাৰ ধৰিবই নোৱাৰা অৱস্থা হৈ পৰে ৷ সেয়ে খোজ কাঢ়িয়েই বিপদসংকুল ভাৱে ৰাইজে অতিক্ৰম কৰিব লাগে 8-10 কিল’মিটাৰ পথ ৷
10 বছৰ পূৰ্বেই অসমত তেতিয়াৰ শাসনাধিস্থিত কংগ্ৰেছ চৰকাৰৰ দিনত অঞ্চলটোত প্ৰধান মন্ত্ৰী গ্ৰামীন চড়ক যোজনাৰ অধীনত পথ নিৰ্মাণৰ বাবে আবণ্টিত হৈছিল ধন ৷ কিন্তু কাম আৰম্ভ কৰলে যদিওঁ আজিকোপতি সমাপ্ত ন’হল কাম ৷ গাঁওবাসীৰ অভিযোগ যে, বিভাগীয় অভিযন্তা আৰু ঠিকাদাৰে আত্মসাৎ কৰিলে সকলো ধন ৷
আনহাতে গাঁওবাসীয়ে প্ৰকাশ কৰা অনুসৰি নিৰ্বাচন আহিলেহে গাঁওবাসীলৈ মনত পৰে ৰাজনৈতিক নেতা-পালিনেতাৰ ৷ কিন্তু ভোট লৈ জয়যুক্ত হোৱাৰ পাচত গাঁৱৰ পিনে চাবলৈ আহৰি নাথাকে নেতা-মন্ত্ৰীৰ ৷ ইয়াৰ উদাহাৰণ দি গাঁওবাসীয়ে কয় যে, কাঠলিছেড়াৰৰ বিধায়ক সুজাম উদ্দিন লস্কৰে এই পথ মেৰামতি কৰি দিয়াৰ প্ৰতিশ্ৰুতি দিছিল কিন্তু বিধায়ক হোৱাৰ পাছত প্ৰতিশ্ৰুতি এতিয়ালৈ বাস্তবায়িত নহ’ল ৷
উল্লেখ্য যে, এই শোচনীয় পথৰ বাবে চিকিৎসালয় পোৱাৰ পূৰ্বেই ৰোগী মৃত্যু মুখত পৰাৰ লগতে বহু মহিলা চিকিৎসালয়লৈ যোৱাৰ পথতেই প্ৰসৱ কৰিবলগীয়া হয় বুলি জানিবলৈ দিয়ে ভুক্তভুগী ৰাইজে ৷
ক্ষোভিত হৈ পৰা গঞা ৰাইজে শীঘ্ৰেই পথ নিৰ্মাণৰ লগতে গাঁৱত উন্নয়ণমূলক কাম কৰিবলৈ চৰকাৰক দাবী জনায় ৷ অন্যথা 2021 চনৰ বিধানসভা নিৰ্বাচন বৰ্জনৰ ভাবুকি দিছে গাঁও বাসীয়ে ৷
লগতে পঢ়কঃ বিদায় বেলাত ধোনীৰ প্ৰশংসাত পঞ্চমুখ হ'ল ৰোহিত, গাংগুলী
