হাইলাকান্দি,15 অক্টোবৰঃ সমাগত শাৰদীয় দুৰ্গা পুজা ৷ ৰাইজৰ মাজত দেখা নাই পূৰ্ৱৰ দৰে উচ্চাহ উদ্দিপনা ৷ ক’ৰণা মহামাৰীয়ে মানুহৰ মাজত নাইকীয়া কৰিছে পুজাৰ প্ৰস্তুতি ৷ ইপিনে ৰাজ্য চৰকাৰে এইবেলি পুজা অনুষ্ঠিত কৰাৰ ক্ষেত্ৰত জাৰি কৰিছে কেতবোৰ নীতি নিৰ্দেশনা ৷ মঙলবাৰে ৰাজ্য চৰকাৰৰ মন্ত্ৰী ড৹ হিমন্ত বিশ্ব শৰ্মাই সংবাদমেল যোগে কি দৰে পুজা আয়োজন কৰিব লাগিব তাকলৈ কিছু নীতি নিৰ্দেশনা জাৰি কৰিছিল ৷
সেই নাতি নিৰ্দেশনাৰ মাজতে তেঁও ঘোষণা কৰিছিল যে, পঞ্চমী পুজাৰ দিনা পুৰোহিত সকলে ক’ভিড-19 টেষ্ট কৰিব লাগিব ৷ তাৰ পিছতেই এই নিৰ্দেশনাৰ বিৰুদ্ধে হাইলাকান্দি পুৰোহিত সংস্থাই প্ৰতিবাদ সাব্যস্ত কৰে ৷ অতি শীঘ্ৰে চৰকাৰে এই সিদ্ধান্ত বাতিল নকৰিলে পুজা মণ্ডপ সমূহত পুজা নকৰে বুলি উল্লেখ কৰে পুৰোহিত সংস্থাই ৷
লগতে পঢ়কঃ পৰকীয়া প্ৰেম: নিজ ভতিজাকৰ সৈতে পলায়ন কংগ্ৰেছ নেতাৰ পত্নীৰ
