ধুমুহাৰ তাণ্ডৱত বাতিল মুখ্যমন্ত্ৰীৰ অনুষ্ঠান

ধুমুহা বৰষুণৰ তাণ্ডৱৰ ফলতেই বাতিল হ'ল মুখ্যমন্ত্ৰীৰ অনুষ্ঠান।

হাইলাকান্দি, 15 এপ্ৰিলঃ মুখ্যমন্ত্ৰীৰ ভ্ৰমণৰ প্ৰাক মুহূৰ্তত হাইলাকান্দিত বৰদৈচিলাৰ তাণ্ডৱ । ধুমুহা বৰষুণৰ তাণ্ডৱৰ ফলতেই বাতিল হ'ল মুখ্যমন্ত্ৰীৰ অনুষ্ঠান। দ্বিতীয় পৰ্যায়ৰ নিৰ্বাচনী প্ৰচাৰৰ বাবে হাইলাকান্দি জিলাৰ কাঠলিছেড়া বিধানসভা অঞ্চলৰ বাৰ্নাৰপুৰ চাহ বাগিচাত আয়োজন কৰা এক জনসভাত সোমবাৰে ৰাতিপুৱা 10 বজাত মুখ্যমন্ত্ৰী সৰ্বানন্দ সোণোৱালে অংশ লোৱাৰ কথা আছিলে যদিও প্ৰতিকূল বতৰৰ বাবে এই অনুষ্ঠান বাতিল হয়। বছৰৰ প্ৰথম দিনাই বৰদৈচিলাৰ তাণ্ডৱত ভাঙি লণ্ডভণ্ড হ'ল মুখ্যমন্ত্ৰীৰ সভাৰ মঞ্চ। অৱশেষত মুখ্যমন্ত্ৰীৰ প্ৰথম সভা বাতিল কৰিব লগা হ’ল জিলা বিজেপিয়ে ।