গোলাঘাট,7 ফেব্ৰুৱাৰী : গোলাঘাট জিলাৰ বোকাখাতৰ বৰভেটাত দেওবাৰে নাহৰফুটুকীৰ আক্ৰমণত গুৰুতৰভাৱে আহত হয় এগৰাকী যুৱতীক । কাৰ্বি আংলং সীমান্তৰ বৰভেটাৰ দূর্গা মুণ্ডাৰ 24 বছৰীয়া কন্যা সংগীতা মুণ্ডাক আক্ৰমণ কৰে নাহৰফুটুকীয়ে ৷
বোকাখাতত নাহৰফুটুকীৰ আক্ৰমণ
আঘাতপ্ৰাপ্ত সংগীতাক বোকাখাত প্ৰাথমিক চিকিৎসালয়ত ভৰ্তি কৰোৱা হৈছিল যদিও সম্প্ৰতি উন্নত চিকিৎসাৰ বাবে তেওঁক যোৰহাটলৈ প্ৰেৰণ কৰা হয় ।
উল্লেখ্য যে, প্ৰাতঃকৰ্ম কৰিবৰ বাবে যোৱা সংগীতাক গাল, মূৰ আৰু পিঠিত আঘাত কৰে নাহৰফুটুকীটোৱে ৷ ইফালে, কাজিৰঙাৰ পৰা ওলাই অহা নাহৰফুটুকীটোৱে বোকাখাতৰ চাহ বাগিছাত লুকাই থকাৰ সন্দেহ প্ৰকাশ কৰিছে স্থানীয় লোকে ৷
লগতে পঢ়ক : লংকাৰ পৰা নিৰুদ্দেশ বিশেষভাৱে সক্ষম যুৱক
