গোলাঘাট, 9 মে': এগৰাকী চাৰি বছৰীয়া শিশুক ধৰ্ষণ কৰি হত্যাৰ গোচৰত অভিযুক্ত ভাইটি বৰাইকক বৃহস্পতিবাৰে যাৱজ্জীৱন কাৰাদণ্ড ঘোষণা কৰে গোলাঘাট আদালতে ৷ গোলাঘাটৰ বিশেষ ন্যায়াধীশ সত্যজিৎ খাউণ্ডৰ আদালতে ঘোষণা কৰে এই ৰায়দান ৷
উল্লেখ্য যে, ২০১৭ বৰ্ষৰ ২মাৰ্চত বোকাখাতৰ চিলভেটা গাঁৱত সংঘটিত হৈছিল এই জঘন্য ঘটনা। সম্পৰ্কীয় খুড়াক ভাইটি বৰাইক নামৰ ব্যক্তিজনে শিশুটিক ধৰ্ষণ কৰি ডিঙি চেপি হত্যা কৰিছিল ৷ কণমানি শিশুটিক হত্যা কৰি চিলভেটা নৈত পেলাবলৈ লৈ যোৱা অৱস্থাত অল্কা বৰাইক নামৰ এজন ব্যক্তিয়ে দেখি চিঞৰ-বাখৰ কৰাত ৰাইজৰ সহযোগত হত্যাকাৰী ভাইটি বৰাইকক আটক কৰি আৰক্ষীক চমজাই দিয়া হৈছিল৷
পৰৱৰ্তী সময়ত ধৰ্ষিতা শিশুটিৰ পিতৃ লৱ বৰাইকে দাখিল কৰা গোচৰৰ ভিত্তিত চলা তদন্তৰ অন্তত গোলাঘাট আদালতে এই গুৰুত্বপূৰ্ণ ৰায়দান কৰে। ধৰ্ষণ কৰি হত্যা কৰা ভাইটি বৰাইকক যাৱজ্জীৱন কাৰাদণ্ডৰে দণ্ডিত কৰে ৷
