গোলাঘাট,8 ডিচেম্বৰঃ গোলাঘাটৰ বেঙেনাখোৱাত দেওবাৰে মন্ত্ৰী অতুল বৰাৰ বাসগৃহৰ সন্মুখত উত্তপ্ত পৰিস্থিতিৰ সৃষ্টি হয় ৷ ছাত্র মুক্তি সংগ্ৰাম সমিতিৰ দল এটাই মন্ত্ৰী বৰাৰ ঘৰ ঘেৰাও কৰি সাব্যস্ত কৰিছিল কেব বিৰোধী প্ৰতিবাদ ৷ কিন্তু ঘটনাস্থলীত আৰক্ষী উপস্থিত হৈ বলপূৰ্বকভাৱে আঁতৰাই নিয়ে প্ৰতিবাদকাৰীক ।
ঘটনাৰ বিৱৰণী অনুসৰি, ছাত্র মুক্তি সংগ্ৰাম সমিতিৰ কেন্দ্ৰীয় সাধাৰণ সম্পাদক বিদ্যুৎ শইকীয়া, কেন্দ্ৰীয় সম্পাদক মোবাৰক আলি, গোলাঘাট জিলা সমিতিৰ সম্পাদক সত্যব্ৰত শইকীয়াকে ধৰি মুঠ ১৩ জনক গোলাঘাট আৰক্ষীয়ে আটক কৰে । অসম গণ পৰিষদৰ সভাপতি তথা কৃষিমন্ত্ৰী অতুল বৰাই শেহতীয়াকৈ নাগৰিকত্ব সংশোধনী বিধেয়ক সম্পৰ্কে কৰা মন্তব্যৰ পিছতে জাঙোৰ খাই উঠে দল-সংগঠনসমূহ । আৰক্ষীয়ে গ্ৰেপ্তাৰ কৰা আটাইকেইজন ছাত্রনেতাক শীঘ্ৰে মুক্তিৰ দাবীত প্ৰতিবাদ অব্যাহত ৰাখিছে সংগঠনটোৱে ।
ইপিনে গোলাঘাট ছাত্র সন্থাৰ সদস্য সকলেও ঘেৰাও কৰে মন্ত্ৰী অতুল বৰাক । ছাত্র সন্থাৰ সদস্যসকলে গোলাঘাটস্থিত অসম গণ পৰিষদৰ কাৰ্যালয় ঘেৰাও কৰি প্ৰতিবাদ সাব্যস্ত কৰে । তদুপৰি মন্ত্ৰী বৰাৰ সন্মুখত প্ৰতিকৃতি দাহ কৰি প্ৰতিবাদ সাব্যস্ত কৰে ৷ দলীয় কাৰ্যালয়ত অনুষ্ঠিত এক সভাত অংশ লবলৈ আহি অভাৱনীয় পৰিস্থিতিৰ সন্মুখীন হয় মন্ত্ৰীগৰাকী ৷ উল্লেখ্য যে, ছাত্রসন্থাৰ সদস্যসকলে মন্ত্ৰী বৰা আৰু অগপৰ বিৰুদ্ধে বিভিন্ন শ্ল’গানেৰে পৰিবেশ উত্তাল কৰি তোলে ৷ কিন্তু ইয়াৰ মাজতে মন্ত্ৰীগৰাকীৰ একাংশ সমৰ্থকে আছুৰ দলটোক দেখি আছুবিৰোধী শ্লোগান দিয়ে ৷
লগতে চাওকঃকলিয়াবৰত মুখ্যমন্ত্ৰীক ক’লা পতাকা প্ৰদৰ্শন অসম জাতীয়তাবাদী যুৱ ছাত্ৰ পৰিষদৰ
