গোলাঘাট, ২১ মে': গোলাঘাটৰ নুমলীগড় আৰু বৰচাপৰি চাহ বাগিচাত মহামাৰী ক'ভিডৰ ভয়ংকৰ সংক্ৰমণ বৃদ্ধি পাইছে । ভয়ংকৰ সংক্ৰমণৰ প্ৰতি লক্ষ্য ৰাখি জিলা প্ৰশাসনে বাগিচা দুখন কন্টেইনমেন্ট জ'ন হিচাপে ঘোষণা কৰে । বাগিচা দুখনৰ কন্টেইনমেন্ট জ'নত থকা লোকসকলৰ পৰিস্থিতিৰ বিষয়ে বুজ ল'বলৈ শেহতীয়াকৈ পৰিদৰ্শন কৰে অসম চাহ মজদুৰ সংঘৰ সম্পাদক তথা ডুমডুমা সমষ্টিৰ বিধায়ক ৰূপেশ গোৱালাই ।
দুয়োখন বাগিচাৰে পৰিচালকসকলৰ সৈতে তেওঁ মত বিনিময় কৰাৰ লগতে নুমলীগড় বাগিচাৰ নতুন ক'ভিড কেয়াৰ চেন্টাৰ পৰিদৰ্শন কৰে । উল্লেখ্য যে, সমগ্ৰ দেশ মহমাৰী ক'ভিডৰ গ্ৰাসত । চৌদিশে মহমাৰীৰ ত্ৰাস ।
লগতে পঢ়ক: অখিলক দুৰ্ব্যৱহাৰৰ অভিযোগ: কি ক’লে হোজাই কৃষক মুক্তিয়ে?
