গোলাঘাট,16 চেপ্তেম্বৰঃ পশ্চিম গোলাঘাট শাখা সাহিত্য সভাৰ উদ্যোগত গ্ৰন্থ উন্মোচনী আৰু সম্বৰ্ধনা অনুষ্ঠান। পশ্চিম গোলাঘাট শাখা সাহিত্য সভাৰ সম্পাদক দীপ হেষ্টিংছ বৰিয়ে পৰিচালনা কৰা অনুষ্ঠানত সভাপতিত্ব কৰে শাখাৰ সভাপতি পুতুল গগৈয়ে। অনুষ্ঠানত বিশিষ্ট লেখক,ঔপন্যাসিক নুৰুল চুলতানৰ নৱতম গ্ৰন্থ "অটল বিহাৰী বাজপেয়ী" শুভ উন্মোচন কৰা হয়। অসম বিধান সভাৰ আইন প্ৰণয়ন সমিতিৰ অধ্যক্ষ তথা খুমটাই বিধানসভা সমষ্টিৰ বিধায়ক মৃণাল শইকীয়াই মুখ্য অতিথিৰূপে অংশগ্ৰহণ কৰি গ্ৰন্থখন উন্মোচন কৰে।
অনুষ্ঠানত পশ্চিম গোলাঘাট শাখা সাহিত্য সভাৰ তৰফৰ পৰা বিধায়ক মৃণাল শইকীয়াক বিশেষভাৱে বিপুল সম্বৰ্ধনা জনোৱা হয়। উক্ত অনুষ্ঠানত গোলাঘাট জিলাৰ কৃতি শিক্ষকৰ বঁটা লাভ কৰা পশ্চিম গোলাঘাট শাখা সাহিত্য সভাৰ উপ-সভাপতি পাৰিজাত বৰুৱা,পত্ৰিকা সম্পাদক নীলিমা বৰা আৰু শাখাৰ কবি সন্মিলনৰ আহ্বায়ক কুমকুম চাংমাইক সম্বৰ্ধনা জনায়। অনুষ্ঠানৰ আৰম্ভণিতে বন্তি প্ৰজ্বলন কৰে অসম সাহিত্য সভাৰ কেন্দ্ৰীয় সাংগঠনিক সম্পাদক দিগন্ত কুমাৰ ভূঞাই।
