আৰক্ষীৰ দায়িত্বজ্ঞানহীনতাৰ বাবে সন্ধানহীন গোলাঘাটৰ এজন ব্যক্তি!

বিগত দহ দিন ধৰি পৰিয়ালৰ লোকে,পথ দুৰ্ঘটনাত আঘাতপ্ৰাপ্ত হৈ স্মৃতি শক্তি হেৰুৱা দিলীপ ফুকনৰ কোনো সন্ধান পোৱা নাই ৷

গোলাঘাট, 20 মে': গোলাঘাট জিলাৰ কমাৰগাঁও দানহচুকৰ দিলীপ ফুকন নামৰ এজন ব্যক্তি সন্ধানহীন হোৱা ঘটনাই চাঞ্চল্যৰ সৃষ্টি কৰিছে ৷ বিগত দহ দিন ধৰি পৰিয়ালৰ লোকে,পথ দুৰ্ঘটনাত আঘাতপ্ৰাপ্ত হৈ স্মৃতি শক্তি হেৰুৱা দিলীপ ফুকনৰ কোনো সন্ধান পোৱা নাই ৷

জানিব পৰা অনুসৰি বিগত 10 মে'ত দিলীপ ফুকন ঘৰৰ পৰা ওলাই যোৱাৰ পিচৰে পৰা সন্ধানহীন হৈ পৰে ৷ পৰিয়ালৰ লোকে দিলীপৰ কোনো সন্ধান নাপাই কমাৰগাঁও থানাত এজাহাৰ দাখিল কৰিছিল ৷ ইপিনে একে নিশা অৰ্থাৎ 10 মে'ৰ নিশা দেৰগাঁও আৰক্ষী থানাf দিলীপক লেঙেৰাচাপৰিৰ পৰা উদ্ধাৰ কৰি,কমাৰগাঁও আৰক্ষী থানাক অৱগত কৰিছিল ৷ কিন্তু পৰিয়ালৰ লোক দেৰগাঁও আৰক্ষী থানা গৈ পোৱাৰ আগতেই আৰক্ষীয়ে দিলীপ ফুকনক এৰি দিয়াৰ অভিযোগ পৰিয়ালৰ লোকৰ ৷ আৰু সেইদিন ধৰি আজি পৰ্যন্ত পুনৰ সন্ধানহীন হৈ আছে অসুস্থ দিলীপ ফুকন ৷