স্পৰ্টছ ডেস্ক, 12 অক্টোবৰঃ অৱশেষত ৰাছিয়াত অনুষ্ঠিত হোৱা বিশ্ব মহিলা বক্সিং চেম্পিয়নশ্বিপৰ ছেমিফাইনেলত থমকি ৰ'ল অসম কণ্যা লাভলিনা বৰগোঁহাই । শনিবাৰে বিয়লি 5 বজাত অনুষ্ঠিত হোৱা 69 কিলোগ্ৰাম শাখাত বিৰোধী খেলুৱৈ চীনৰ য়াং লিওৰ হাতত 3-2 ব্যৱধানত পৰাস্ত হয় লাভলিনা । অৱশ্যে পৰাজয়বৰণ কৰিলেও ছেমিফাইনেলত প্ৰৱেশ কৰা সূত্ৰে লাভলিনা বৰগোঁহাইয়ে লাভ কৰিবলৈ সক্ষম হৈছিল ব্ৰঞ্জৰ পদক ৷ বক্সিং কেৰিয়াৰত লাভলিনাৰ এইটো হৈছে ধাৰাবাহিক তিনিটা পদক ৷
লাভলিনা বৰগোঁহাইৰ পৰাজয়ৰ পিতৃৰ প্ৰতিক্ৰিয়া
লাভলিনাৰ পৰাজয়ৰ পিচতেই বৰপথাৰস্থিত বাসগৃহত পৰিয়াল তথা গাওঁবাসীৰ মাজত দেখা পোৱা কিছু দুখ। মাত্ৰ এক পইণ্টৰ বাবেই পৰাজয়বৰণ কৰিবলগীয়া হয় প্ৰতিভাৱান ভাৰতীয় বক্সাৰগৰাকী । অনাগত দিনত ইয়াতকৈ সুন্দৰ খেল প্ৰদৰ্শন কৰিব বুলি আশা প্ৰকাশ কৰিছে পিতৃ টিকেন বৰগোঁহাইয়ে ।
