বোকাখাত, 2 মে’ : গোলাঘাট জিলাৰ বোকাখাতত নিশা চাঞ্চল্যকৰ ঘটনা ৷ বোকাখাতত নিশা সংঘটিত হয় গুলীচালনাৰ ঘটনা ৷ বোকাখাতৰ মহকুমা আৰক্ষী বিষয়াৰ কাৰ্যালয় আৰু আৱাস গৃহৰ চৌহদত সোমবাৰে নিশা সংঘটিত হয় গুলীচালনাৰ ঘটনাটো ৷ মহকুমা আৰক্ষী বিষয়া ৰেণুকান্তলা শীতল কুমাৰৰ নিৰাপত্তাৰ দ্বায়িত্ব থকা বন্দুকধাৰী জোৱানে ব্যৱহাৰ কৰা AK 47 বন্দুকৰ পৰাই এক জাই গুলী ফুটিছিল বুলি জানিবলৈ পৰা গৈছে (Gunshot at Bokakhat) ৷
নিৰাপত্তাৰক্ষী চাৰিজনৰ মাজত হোৱা মনোমালিন্যৰ বাবেই চুটেলাল শৰ্মা নামৰ জোৱানজনে নিজে ব্যৱহাৰ কৰা AK 47 বন্দুকেৰে শূন্যলৈ এক জাই গুলী ফুটাইছিল বুলি জানিবলৈ পৰা গৈছে ৷ ইফালে এই ঘটনাৰ বিষয়ে জানিব পাৰি নিশাই বোকাখাত আৰক্ষীয়ে চাৰি নিৰাপত্তাৰক্ষীক আটক কৰে ৷ ঘটনাটোৰ সৈতে জড়িত চাৰি নিৰাপত্তাৰক্ষীৰ পৰা আৰক্ষীয়ে জব্দ কৰে তেওঁলোকৰ চাৰিটা AK 47 বন্দুক ৷
আটক নিৰাপত্তাৰক্ষীকেইজন কংকন পাটৰ, কংকন দাস, মাধুৰ্য বৰঠাকুৰ, চুটেলাল শৰ্মা বুলি জানিবলৈ পৰা গৈছে ৷ গোলাঘাট জিলাৰ অতিৰিক্ত আৰক্ষী অধীক্ষক অঞ্জন পণ্ডিতে পুৱাই ঘটনাটোৰ তদন্ত আৰম্ভ কৰাৰ লগতে ঘটনা সন্দৰ্ভত চাৰি নিৰাপত্তাৰক্ষীক সোধা-পোছা অব্যাহত ৰাখিছে আৰক্ষীয়ে (Bokakhat police station) ৷
উল্লেখ কৰা প্ৰয়োজন যে, সম্প্ৰতি আৰক্ষী অথবা নিৰাপত্তাজনিত সেৱাৰ সৈতে জড়িত লোকে প্ৰায়ে এনেধৰণৰ ঘটনাৰ সৈতে জড়িত হৈ চৰ্চালৈ অহা পৰিলক্ষিত হৈছে ৷ বিগত বৰ্ষৰ শেষৰ ফালে চৰাইদেউ জিলাৰ সোণাৰি সদৰ থানাৰ চৌহদতে আৰক্ষীয়ে নিজৰ এগৰাকী সতীৰ্থক গুলীয়াই হত্যা কৰাৰ চাঞ্চল্যকৰ ঘটনা সংঘটিত হৈছিল । সতীৰ্থৰ গুলীত নিহত হৈছিল গকুল বসুমতাৰী নামৰ আৰক্ষীজন ।
দীৰ্ঘদিন ধৰি দুই সতীৰ্থৰ মাজত মতানৈক্য অব্যাহত আছিল বুলি পৰৱৰ্তী সময়ত জানিবলৈ পৰা গৈছিল ৷ সামান্য কথাতে তৰ্কা-তৰ্কি হোৱাৰ পিচতে দীপক কাকতি নামৰ জোৱানজনৰ গুলীত নিহত হৈছিল দীপক কাকতি (Police personnel shot dead at Sonari) ।
লগতে পঢ়ক : Nagaon police encounter : ৰূপহীহাটত আৰক্ষীৰ গুলীত আহত ড্ৰাগছ মাফিয়া ৰমিজুল
