গোলাঘাট জব্দ 53 লাখ টকা মূল্যৰ অবৈধ সোণ

গোলাঘাটৰ 39নং ৰাষ্ট্ৰীয় ঘাইপথৰ তেলগৰমত এখন বাছত আৰক্ষীয়ে অভিযান চলাই জব্দ কৰে প্ৰায় 53 লাখ টকা মূল্যৰ সোণখিনি। আৰক্ষীৰ এক সূত্ৰৰ ভিত্তিতে জব্দ কৰে 1664 গ্ৰাম ওজনৰ প্ৰায় 53 লাখ টকা মূল্যৰ সোণৰ বিস্কুটখিনি

গোলাঘাট,13 জুলাইঃ গোলাঘাট জব্দ অবৈধ সোণ ৷ মহম্মদ ৰহমান নামৰ এজন প্ৰাক্তন চি আৰ পি এফ জোৱানৰ পৰা গোলাঘাট আৰক্ষীয়ে জব্দ কৰে 10 খন সোণৰ বিস্কুট। গোলাঘাটৰ 39 নং ৰাষ্ট্ৰীয় ঘাই পথৰ তেলগৰমত এখন বাছত আৰক্ষীয়ে অভিযান চলাই জব্দ কৰে প্ৰায় 53 লাখ টকা মূল্যৰ সোণখিনি। আৰক্ষীৰ এক সূত্ৰৰ ভিত্তিতে জব্দ কৰে 1664 গ্ৰাম ওজনৰ প্ৰায় 53 লাখ টকা মূল্যৰ সোণৰ বিস্কুটখিনি ৷ পূৰ্বৰে পৰা সোণৰ বিস্কুট মণিপুৰৰ পৰা গুৱাহাটীলৈ সৰবৰাহ কৰাৰ তথ্য লাভ কৰিছিল আৰক্ষীয়ে। আনহাতে,মণিপুৰৰ বাসিন্দা ধৃত মহম্মদ ৰহমানৰ লগত এটা দলে এনে কাৰ্য কৰাৰ সন্দেহ কৰিছে আৰক্ষীয়ে। উল্লেখ্য যে,পূৰ্বেও মহম্মদ ৰহমানে কলকাতাত অবৈধ সোণ সৰবৰাহ কাৰ্যত ধৰা পৰি ৰঙা ঘৰৰ আলহী হৈছিল ৷