গোলাঘাট, 8 আগষ্ট : ফৰকাটিং ৰেলৱে’ জংচনৰ সমীপত দুই পক্ষৰ মাজত প্ৰচণ্ড মাৰ-পিট। হকী ষ্ট্ৰিক, ৰ’ড, হাতুৰীৰে দুই পক্ষৰ আক্ৰমণ প্ৰতি আক্ৰমণ ফলত চাৰিজনকৈ লোক গুৰুতৰ ভাৱে আঘাতপ্ৰাপ্ত । আঘাতপ্ৰাপ্ত লোক কেইজন তপন নাথ, ধীৰাজ গগৈ, পুলিন শইকীয়া আৰু মেৰাণ নাথ । যাৰ ফলত ফৰকাটিংত উত্তেজনাময় পৰিস্থিতিৰ সৃষ্টি হয়।
সংঘাতৰ প্ৰকৃত কাৰণ জানিব পৰা হোৱা নাই যদিও গোলাঘাটৰ ফৰকাটিং জংচনৰ ভাৰতীয় খাদ্য নিগমৰ চাউল ৰেকৰ লোডিং আৰু আনলোডিং নিবিদাক লৈ এই সংঘাত হৈছে বুলি সন্দেহ প্ৰকাশ । ইয়াৰে তপন নাথ, মেৰাণ নাথ, পুলিন শইকীয়া গোলাঘাট কুশল কোঁৱৰ অসামৰিক চিকিৎসালয়ত চিকিৎসাধীন অৱস্থাত আছে ৷ আনহাতে আনটো ফৈদৰ আহত হোৱা ধীৰাজ গগৈক যোৰহাট চিকিৎসা মহাবিদ্যালয় প্ৰেৰণ কৰে চিকিৎসকে । ঘটনাৰ প্ৰকৃত কাৰণ আৰক্ষীৰ তদন্তৰ পাচতহে পোহৰলৈ আহিব।
লগতে পঢ়ক : ৰজাঘৰৰ দ্বাৰা অৱহেলিত এগৰাকী বৰ্ষীয়ান ভাস্কৰ্য শিল্পী
