গোলাঘাট,15 অক্টোবৰঃ গোলাঘাট জিলাৰ নুমলীগড়ৰ ফলঙনিত অসম ছাত্ৰ পৰিষদৰ সভাত কৃষি মন্ত্ৰী অতুল বৰা। ছাত্ৰ পৰিষদৰ সৰুপথাৰ সমষ্টিৰ সমিতি গঠন আৰু যোগদান সভাত উপস্থিত থাকি কৃষিমন্ত্ৰী গৰাকীয়ে কয় যে, কংগ্ৰেছ আৰু এআইইউডিএফ দলৰ পৃষ্ঠপোষকতা গঠন হৈছে নতুন আঞ্চলিক দল ।
আনফালে 15 বছৰে কংগ্ৰেছ দলৰ অধীনত থকা সৰুপথাৰ সমষ্টিত অগপ প্ৰাৰ্থীয়ে নিৰ্বাচনত মিত্ৰজোঁটৰ হৈ প্ৰতিদ্বন্দিতা কৰিব বুলি কয় । উক্ত সভাত গোলাঘাট জিলা অগপৰ সভাপতি বিনোদ গোৱলা, অগপ কেন্দ্ৰীয় সমিতিৰ সদস্য মনোৰঞ্জন শইকীয়া, ছাত্ৰ পৰিষদৰ আহ্বায়ক কস্তুৰী বৰা, যুৱ পৰিষদৰ নেতা প্ৰসন্ন বৰা, অসম ছাত্ৰ পৰিষদৰ সভাপতি ত্ৰিনয়ন বৰুৱা, অগপ নেতা আচিকুৰ ৰহমানে অংশগ্ৰহণ কৰে । উক্ত সভাত অৰ্ধশতাধিক ছাত্ৰ ছাত্ৰীয়ে অসম ছাত্ৰ পৰিষদত যোগদান কৰে । সভাত ধৰণি গগৈক সভাপতি আৰু চাহিদ ৰাভা, লক্ষী প্ৰসাদ দাস, টিকেন্দ্ৰ গগৈ, ৰিকু গগৈক সম্পাদক হিচাপে লৈ এখনি তদৰ্থ সমিতি গঠন কৰে ।
লগতে পঢ়কঃ মন্ত্ৰী হিমন্তক তুলাধুনা হাগ্ৰামাৰ
