গোলাঘাট,9 ফেব্ৰুৱাৰী : গোলাঘাটত মঙলবাৰে দিন দুপৰতে সংঘটিত হৈছে বাইক চুৰিকাণ্ড ৷ জিলা উপায়ুক্ত কাৰ্যালয়ৰ সমীপৰ পৰাই চোৰে চুৰি কৰি নিয়ে এজন অধিবক্তাৰ ৰয়েল এনফিল্ড বাইক । অভিনৱ বৰা নামৰ অধিবক্তাজনৰ চুৰি হোৱা বাইকখনৰ নম্বৰ AS-05-J-7192 ৷
উল্লেখ্য যে, দীৰ্ঘদিনীয়া বিৰতিৰ পাচত জিলাখনত পুনৰ আৰম্ভ হৈছে চুৰিকাণ্ড । পূৰ্বতে ইটোৰ পাচত সিটো চুৰিকাৰ্যই সন্ত্ৰাসৰ সৃষ্টি কৰিছিল সমগ্ৰ চহৰখনত ।
গোলাঘাট আৰক্ষীয়ে কটকটীয়া নিৰাপত্তা ব্যৱস্থাৰে ইতিমধ্যে বাইক গাড়ী চুৰিকাৰ্যৰ নাকি লগাবলৈ সক্ষম হৈছিল । এতিয়া যেন বাইক চুৰিৰে পুনৰ আৰক্ষীক প্ৰত্যাহ্বান দিছে বাইক চোৰে ।
লগতে পঢ়ক : শদিয়াত 9 টাকৈ অসুস্থ শগুণ উদ্ধাৰ
