গোলাঘাট,১২ এপ্ৰিল : নাগালেণ্ডৰ নীপকোৰ দৈয়াং হাইড্ৰ' ইলেক্টিক প্ৰজেক্টৰ সংৰক্ষিত পানীত পৰি দেওবাৰে এজন যুৱকৰ সলিল সমাধি ঘটে । দেওবাৰে পুৱা গোলাঘাটৰ পৰা বনভোজ খাবলৈ গৈছিল ১২ জনীয়া যুৱকৰ এটা দল । বনভোজস্থলীতে পানীত পৰি মৃত্যু ঘটে যুৱকজনৰ ।
দৈয়াং হাইড্ৰ' ইলেক্টিক প্ৰজেক্টৰ পানীত পৰি যুৱকৰ সলিল সমাধি
নিহত যুৱকজন গোলাঘাট আমোলাপট্টিৰ দেৱাশীষ তামুলী বুলি জানিব পৰা হৈছে । গোলাঘাট আইচিআইচিআই বেংকৰ কৰ্মচাৰী আছিল তামুলী । দেওবাৰে নিশা হোৱাৰ বাবে মৃতদেহ উদ্ধাৰ কৰিবলৈ সক্ষম হোৱা নাছিল । অৱশেষত সোমবাৰে এছডিআৰএফ বাহিনীয়ে অভিযান চলাই উদ্ধাৰ কৰে দেৱাশীষ তামুলীৰ মৃতদেহ ।
লগতে পঢ়ক : তেজপুৰত বুঢ়ালুইতৰ বুকুত সন্ধানহীন মাছমৰীয়া
